المشاركة الأصلية كتبت بواسطة mohandes
انا جبت بيها من يومين 180 والصراحة مش مبسوط ومش حاسس بالامان
مش عارف اشرح التفاصيل ازاي بس ده اللي حسيتو
اولا هي بتجمع كويس وبتستجيب ولكن العربية خفيفة جدا وانا فاهم يعني ايه فرامل على 180 ويعني ايه سنة يمين او شمال على 180 ولكن الموضوع نسبي من عربية لاخرى ورأيي الخاص انها مش عربية مصممة للمدينة فى المقام الاول ولن على الطريق السريع امنة لغاية 100 او 120 وبعد كده بيقل الامان والتحكم بشكل متزايد زي اي عربية ولكن بنسبة اعلى من عربيات كتير اوروبي
يعني مثلا حاولت المس الفرامل عشان واحد دخل قدامي على مسافة بعيدة حوالي 200 متر حسيت كأني بضرب فرامل مع اني لامس الفرامل فالافضل تسيب الماتور يهدي سرعة العربية لوحده عشان تضمن تحكم اعلى اثناء تهدئة السرعة
معلومة تانية لما بتعدي عربية تانية جمبي الهوا بياخدها ويجيبها وده حسب سرعتك
وتقييمي انها ضعيفة وغير امنة على السرعات العالية لكن بحبها 
وهي مازالت افضل من غيرها فى نفس الفئة مثل الفيرنا واللانوس والريو والافيو
وما انصحش حد انه يجرب اكتر من 140 |
رجلك تقيلة على الفرامل ياحبى اتعود عليها فى السرعات العالية لائن فرامل العربية حساسة جدا على السرعات العالية
الفكرة كلها انك وانتة بتفرمل جوة البلد مش حتفرق معاك لو الفرامل جمدة شوية او عادى لاكن السرعات العالية فى اى عربية لازم تفهم عربيتك يعنى انا فى عربيتى التانية الرينو الفرامل غير خالص كل عربية وليها تصميم وعاوزة تفهمها بس وانا ياجماعة رغم انى على طول بجرى مش ااقل من 180 فى اى طريق سفر بس مش بنصح حد انة يجرى اكتر من 120 دة فى اى عربية لاكن لو بتتكلم على الثبات انا شايف ان ثبات العربية جميل جداااا فى الفئة بتعتها افضل من عربيات كتير ولسة معلم بيها على باسات من يومين
