السلام عليكم
اشتريت عربية 2008 و اخدت معاها شهادة براءة الذمة على الارقام الجديدة اللي عليها (الارقام و حروف) و لما رحت مرور مصر الجديدة اللي هي تبعه عشان انقلها اسكندرية وكيل النيابة (شخص محترم جدا) هناك قالي الارقام القديمة اللي كانت عليها عليها 4000 جنيه مخالفات ! فواضح ان براءة الذمة دي كان ملعوب في تاريخها لانه قالي في التاريخ ده هو مكانش موجود اصلا !
كلمت اللي اشتريت منهم و قالوا هياخدوا الرخصة يعملوا بيها معارضة,,بس المشكلة اني رحت الشهر العقاري و سجلت لنفسي خلاص فمعنى كده اني - حسب ماعرف- مينفعش اقعد اكتر من شهر اللي هي صلاحية عقد البيع من نفسي لنفسي ده غير اني طلعت برضه شهادة بيانات موجهة لاسكندرية من هناك و دي مدتها شهر برضه!
فإيه رأيكم؟ حدعنده فكره المعارضة ممكن تاخد اد ايه في مرورمصر الجديدة ؟ و هل فعلا هتيجي بنتيجة ولا ايه؟
شكراً
