[حسين122]

السلام عليكم و رحمة الله و بركاته
الموضوع باظ لوحده من عند ربنا
رحت للراجل الي جايبلي العربيه
و سالته عنها
شكر فيها قوي بس :
- قالي لو هاشتري ليا و للسوق مش هاجيبها .
- لو حبيت تبيعها تخسر 5000 و حبيت تخلص منها بسرعه
- العربيه عليها استيكرات لزقها عليها ابن صاحب العربيه اكمنه شاب بقى و طبعآ الشباب بيحب افرك و الجري ( انا اول ما باشوف عربيه مليانه استيكرات بافهم انه صاحبها شاب بيحب الفرك و بيهد العربيه اصلها حصلت مع واحد معرفه قبل كده )
المهم الراجل و انا باكلمه قالي لو تطاوعني و تسيبك م الأتوماتيك اجيبلك عربيه احدث و احلى مانيوال
قلتله و بعدين
قالي نلغي ميعاد الاكتافيا
قلتله الغيه
قاليبس الراجل مانه خرج من بيته جي علينا
قلتله كلمه لو خرج نروح نقابله و لو ماخرجش يبقى الغي الموضوع
كلم الراجل لقاه لسه ف بيته
لغى الموضوع
و الله حسيت براحه كبيره بعد كده
الغريب انه نفس الراجل الي جايبلي العربيه فرح انه لغى الموضوع
و قالي انه مستريح لكده جدآ !!!!!!!!!!!!!!!

انا متشكر ليكم جدآ
و الله يجازيكم كل خير
إن شاء الله هادور على كريستاله او مكواه
و هانزل السوق الجمعه الجايه و ربنا يوفقنا جميعآ لما فيه الخير
و شكر خاص للاستاذ حازم و الاستاذ نور بيجو و لكل من شاركني بالكتابه او بالدعاء و ذلك يكفي و الله يتقبل منا و منكم صالح الأعمال
سلام