المشاركة الأصلية كتبت بواسطة ringoo
السرعة دى انت اللى بتحددها
فى القيادة العادية حتنقل عند سرعة 35 او 40 والتالتة على 60
لكن فى حالة انك محتاج تسارع يعنى محتاج العربية توصل لسرعة عالية فى وقت قليل
ساعتها ما تنقلش بدرى ومع تجربة تفتيح الماتور اللى انت حتعملها حتفهم كل نقلة اعلى سرعة ليها كام
الكلام السابق كله الغرض منه تفتيح الماتور علشان صوته يهدى بالاضافة لتحسن السحب .. بالبلدى كدة علشان العربية تصحى من النوم وتفوق
لكن الطبيعى انك بتنقل على السرعات اللى انت كاتبها لكن اعتراضى على الرابع انك تنقل على الخامس على سرعة 80 لأ احرق شوية على الرابع علشان العربية تستجيب معاك بشكل جيد على الخامس لان زى ما قولتلك انت ممكن توصل بالرابع لسرعة 160 ك/س يبقى لما تنقل على سرعة 80 دة قليل بصراحة ومش حتوصل لسرعة عالية لانك ناقل بدرى قوى على واحد عايز يجيب سرعة عالية
فى حاجة كمان حتفهمها لوحدك اثناء عملية تفتيح الماتور وهى انك ازاى توصل بالعربية لسرعة عالية جدا ومش بعيد تيجى فى يوم تقولى انا قفلت العداد
لكن بكرر تحذيرى ليك يا باشا الله يخليك ساعت ما تيجى تعمل الموضوع دة يكون طريق سريع و فاضى تماما ومتأكد ان مافيش اى خطر على سلامتك بعد ستر ربنا طبعا وتكون النية مش جرى وسرعات وخلاص لا .. النية انك طالع تفتح ماتورك وبس ...ومتنساش التدريج حيخليك باستمرار تفهم عربيتك وتتحكم فيها
ولو انت مالكش فى الجرى والسرعات يبقى سيبك من كلامى دة كله نهائى لان سلامتك عندى بالدنيا ... ورمضان كريم
|
ربنا يكرمك ويبارك فيك الله اكرم يا أخى وكل سنة وإنت طيب فهمت كلامك وربنا يقدم اللى فيه الخير إن شاء الله.
عندى سؤال هل المفروض لو ظهر اى شى فى السيارة أستنى علشان اروح التوكيل عند ال 5000 كم علشان أستفيد من الصيانة المجانية ولا ممكن اروح فى اى وقت والمواعيد فى رمضان بتبقى إزاى فى التوكيل؟