الله المستعان
السلام عليكم و رحمة الله و بركاته
انا كنت خلاص نويت و ابتديت ابحث بالفعل عن كريستاله اتوماتيك
و سالت واحد معرفه شغال في تجارة العربيات
وصيته يجيبلي واحده كويسه
قام قالي انه قدامه عربيه اسكودا اوكتافيا 1999 اتوماتيك
مطلوب 51 الف
العربيه حالتها كويسه و مش راشه دواخل
بس بيقول انه في شويه بويه طرطشة من دهانها للخوارج
انا لسه ما شفتهاش
بس انا مليش اي خبره في الاسكودا
و كمان بيقولوا لازم لها ميكانيكي مخصوص
المهم ربنا يستر
انتم شايفين انها اختيار جيد لو هيه فعلآ حالتها كويسه
و على فكره هيه سيدان مش هاتش باك
اتوماتيك زجاج كهربا و وحدات رفع
مش عارف اروح اشوفها و لا اخليني في الكريستاله احسن
ياريت تشوروا عليا
و لو ممكن السعرالمناسب ليها
و الله لو لاقيت توفيق من ربنا هآخدها مركز الأقصى الي ف العبور
عشان يبصوا عليها همه
ياريت رايكم
هوه الراجل لسه مكلمني من اقل من ساعه
و المفروض اشوفها بكره لو اراد ربنا
لو حد عنده تجربه للعربيه من النوع ده يقولي عمل ايه
اصل لاقيت سعر قطع غيار العربيه دي في موضوع تاني غاليه اوي بس كانت موديل 2006
الكوبلن ب 3000 جنيه
حاجه تخوف
الكوبلن ف بلدنا هيعيش قد ايه
احنا مش بنسوق احنا بنلعب اتاري
ربنا المستعان
|