[احمد بدر1978]

احكلكم انا قبل ما القضى المستعجل ما تصحى

اول واحدة
بنت صاحبة والدتى جميل
طبعا صاحبة والدتى دى جتلنا البيت من بعد 15 سنة تقريبا الحاجة ما تعرفش عنها حاجةلية؟؟؟؟؟؟؟؟؟؟؟؟؟
اقولكم لية عندها بنتين وانا واخويا عرسين زى الورد اخويا كان مخلص تجارة وشغال فى بنك وانا بسم الله ماشاء الله كنت فى سياحة وفنادق سنة اولى يعنى عرسين لقطة بما انى كنت شغال مع والدى فى المقاولات من وانا فى الاعدادية فكنت بسمع حكاوى وريات تقدر تقول ابن سوق المهم جم ازيك عاملة اية وحشتينى اصل انا كنت معدية من هنا بالصدفة اشترى هدوم للبنات آل يعنى بقالها 15 سنة ما بتشتريش حاجة ولا عدت جمب بتنا قبل كدة ما علينا شوية اخدت الحاجة وعايزاكى فى موضوع مين قاعد العروستين الحلوين وانا واخويا واختى المهم دخلت اوضتى وندهت اخويا بقولة اية رايك فى الحتتين دول طبعا عشان هو اكبر من ب 8 سنين يختار براحتة المهم المعلم اساسا ما بيهموش الكلام دة وكان بيحضر للسفر قالى حلال عليك الاتنين المهم قولتلة انا اخد الصغيرة وانت الهى الكبيرة قعدت اتكلم معاها بيضا خالص المهم ربك والحق دخلت دماغى وبيضة وشقراء واية تقولش ليلى علوى المهم قعدنا نتكلم حوالى ساعة ووالدتها تطلع من الاوضة كل شوية تتطمن ان الفلم اللى بيتعمل شغال وتدخل تانى ووالدتى مش فاهمة حاجة واختى لضمت مع التانية المهم الكلام كان ماشى عن الدراسة المهم سلام سلام لازم تردوا الزيارة وتشرفونا المهم الاسبوع كلة تليفونات لازم تيجوا والكلام دة المهم والدتى ما بتركبش غير معايا لان اخويا مابيسوقش وانتوا عارفيين الكبير دة عايش ديما فى دور لن اعيش فى جلباب ابى والكلام دة وانا الحمد لله كنت حبيب ابويا فا كان معايا عربية نيفا لزوم الشغل والدراسة والمشاوير العائلية اللى الحج ماكنشى بيبقى فاضى فيها المهم وصلتها وهما ساكنيين فى حتة مافيهاش مكان اركن قلت للحجة انا حركن صف تانى ومطوليش (لو حد زهقان يمشى الموضوع لسة طويل دى اول خازوق فى حياتى )المهم قعدت شوية ولاقيتها نازلة وبتقولى ان فية جراج قريب وتعالى نروح ركبت وطبعا عربيتى ماقلكمش كانت فى قمة النظافة ممكن تلاقى شحم وعدة يعنى مقلب زبالة متنقل لانى كنت بستعملها زى النص نقل بالظبط المهم ركبت وانت اية اخبارك وعامل اية والكلام دة وانتى اخبارك وحشتينى المهم هى سمعة كلمة وحشتينى وتنحت وانا والله مش قاصدى حاجة دة مجاملة مش قصدى لقيتها بتقولى وانت كمان وحشتنى قوى وبقالى اسبوع مستنية انك تيجى واشتغلت ياباشا المهم وصلتنى للجراج واحنا راجعين ممكن اكلمك فى التليفون قلتلها ماشى بس خليها فى المكتب بالليل المهم التليفونات اشتغلت وحشتنى وحشتينى والكلام دة والحاج الله يرحمة كان دايما بيكبر دماغة كنا صحاب مش اب وابنة راح مركبلى خط تليفون تانى عشان ابقى براحتى المهم جت عليا امتحنات الترم والحمد لله زى الزفت لدرجة انى سقطت فى اهبل مادة بس الحمد لله نظام الرشاوى كان لسة شغال وبقدرة قادر اتعدلت النتيجة لجيد جدا المهم قعدنا مع بعض لغاية نهاية العام المهم بالصدفة الحاجة والدتى عرفت انى اتنيلت سقطت فى الكلية وانى دفعت رشوة عشان انجح واشتغلت شغل مخابرات لغاية لما عرفت ان مقصوفة الرقبة هى السبب ووالدتى من النوع اللى بتخاف على اولادها من الهواء الطاير المهم اتصلت بصاحبتها وقالت لها على العلاقة اللى بينى وبين بنتها تفتكروا ترد عليها تقولها اية؟؟؟؟؟؟؟؟؟؟؟
تقولها سيبى الشباب ياخدوا راحتهم طبعا الحاجة قلبت الدنيا عليا وعلى اللى جابونى وسيبت البيت كنت اشتريت اول شقة اوضة وصاله وفرشتها سرير ودولاب وانترية مكسر بس كان شغال وطبعا سيبت الشغل مع والدى هبل بعيد عنكم
قلت اعتكف اسبوع وافكر شوية لقيت ان العملية غلط وانى غلطان والغلط راكبنى من فوق لتحت وحسيت انى مكبر الموضوع زيادة عن اللزوم روحت صالحت الحاجة والحج ونهيت العلاقة وقولتلها بعد لما اخلص الدراسة نبقى نشوف الموضوع دة كبيرك نتكلم فى التليفون وبس بلا فسح بلا منتزة والكلام دة
شهر و التانى وبردة اللى فية داء مابيبطلوش وحشتنى وحشتها نتقابل طيب قابلتها و........................ ......................... ......................... ......................... .
......................... ......................... ......................... ......................... .
حسيت ان الموضوع حيتطور تطور مش حلو كان عندى شغل فى سفاجا حوالى شهريين وكنت امتحنت امتحانات اخر السنة اختفيت من قدامها رجعت لقيتها ماشية مع اختها مع اتنين شباب زى الفل على الكورنيش بياكلو ترمس وقفت لغاية لما شافتنى وطلعت بالعربية جرى على الحاجة وبوست راسها
وللحديث بقية