السلام عليكم
معلش يا جماعه انا عندى مش عايز اقول مشكله بس هو موقف مش لذيذ
دلوقتى عربيتى فى الجراج و البنزين يكاد يكون خلص المؤشر عند أول العداد و اللمبه منوره
وده لان العربيه كانت قعدت فتره عند الميكانيكى بتتصلح و بعدين جربناها و حطتها فى الجراج و من ساعتها واقفه
المهم وانا بسخنها النهارده اكتشفت الموضوع ده ومختار دلوقتى انا بعد بكره رايح بيها مشوار للمرور هنركب النمر و معايا سواق
فهل شويه البنزين اللى فيها يكفوا امشى بيها لحد محطة بنزين و أفول ؟؟
علما بأن المسافه من الجراج للمحطه شارعين رئيسين
وهل من الافضل منزلش بكره أسخنها عشان اوفر شويه البنزين اللى فيها عشان بعد بكره نطلع الاول ع المحطه نفول وبعدين نطلع على المرور
ولا ممكن البنزين ده مش يكفى و تقف منى فى السكه و احتاس ؟
وهل من الافضل اقول للسواق اللى طالع معايا يجيب جردل بنزين يمشينا لحد المحطه ؟
وطبعا المؤشر زى ما قولت لحضراتكم عند اول العداد خالص و اللمبه منوره
ارجوا الافاده ضرورى جدا