المشاركة الأصلية كتبت بواسطة mido_sniper
مشكور يا أستاذنا على سرعة الرد
أنا لسه جاي من التوكيل دلوقتي بعد خناق و زعيق 
هما فعلاً في التوكيل كشفوا على العربية بالكمبيوتر و قاللي مظبوطة
طلع على الجهاز الموتور 28 وانا مش عارف ديه تخص أيه
و قالي الطبيعي من 20 إلى 30 و اللي عندك كده مثالي جداً
و اللي فى دماغك ديه أوهام و العربية مظبوطة وبالنسبة لريحة البنزين
غير فلتر البنزين و هي تظبط بس أنا مش مقتنع و حاسس بشتغالات
المهم انا فكتني منهم : بالنسبة لكلام حضرتك أكشف على الحساسات كلها
بس عند مين ألاقي حد يكون السكانر بتاعه مظبوط من غير مشاكل؟
بالنسبة لمنظف دورة البنزين لسه حاطط عبوة أمريكي بـ 60 جنيه
من حوالي 2000 كم قالولي بتشتغل 10000 كم
و البوجيهات لسه مغيرها من 1000 كم نوعها (BOCHE) ألماني 2 شمعه
أغيرهم تاني ولا أعمل أيه مع العلم أنهم نظفوا البوابات عليهم
و بالنسبة لريحة البنزين الكريهة لفت انتباهي كلام عامل من هناك
عن الشكمان ممكن تكون العلبة فيها رواسب ، أيه رأيك يا باشا
في إنتظار رد حضرتك.........!
مشكور و بارك الله فيك على المساعدة |
العفو يا باشا
انا حصل معايا ان الار بى ام وصى اوى والعربيه كانت بتبطل
نظفوا البوابه لكن الار بى ام كان مش عالى لطبيعته لما غيرت الايدل كنترول اتظبط بس ممكن يكون العيب عندك فى حاجة تانيه
المهم فى واحد بيكشف على العربيه بالكمبيوتر فى فيصل اسمه احمد السمان متفرع من شارع العشرين روح شارع العشرين وادخل تانى شارع شمال شارع عمومى كبير والورشه مشهورة هيكشف على العربيه بالجهاز ب 20 جنيه لو طلع حساس بايظ غيره لو مكنش هيصلحها هو وهيظبطها وان شاء الله مش هتتكلف ..
لو انت بعيد عن الهرم شوف حد يكون عنده جهاز وهو الكشف بقى من 20 الى 30 جنيه عند اغلب الميكانيكية ... وان شاء الله تبقى بسيطه ومحتاجة زبط وخليه يفك بوجيه لو لاقه اسود ومهبب تبقى الرشاشات باظت وعاوزة تتغير ... جرب وقولنا عملت ايه ولو احتجت حاجة استيراد هاتها من عند واحد اسمه سوسو فى المريوطيه رخيص ونظيف ومعاه ضمان