[luckyman]

المشاركة الأصلية كتبت بواسطة حازم شاهين يا أخ ديفل بلود إحنا هنا مش علشان نشمت فى بعض و نغيظ بعض و نضايق بعض عربيتك جميله و مريحاك .. ربنا ريبارك لك فيها مبتحبش العربيات الصينى .. إنت حر رأيك يحترم لكن مفيش داعى تعاير الناس إللى عاجبها العربيات الصينى و يبقى كل همك تبينهم مش فاهمين حاجة و أتضحك عليهم بالمناسبة فيه ناس ما بتعترفش بالعريات اليابانى لحد دلوقتى و بتعتبر إللى بيشترى اليابانى ما بيفهمش فى العربيات ...

فعلا احنا كنا عايشين برة مصر مدة طويله ومكنتش مقتنع زمان بالناس اللى بتسوق يابانى ومش لاقى مبرر واحد لان المرسيدس برة والاوبل سعرة مش غالى خصوصا فى الثمانينات وتعتبر عربيات ذات سعر مناسب الالمانى خاصة لو استعمال الخارج ومش انا بس كل ابناء جيلى وكنت فاكر ان والدى لو دخل فى عربية يابانى يقططعها زى الورق لكن مع الوقت وسريعا تغير المفهوم وعرفنا ان العربية اليابانية هى اعجاز ومش ممكن حتى السيارات الالمانية توصل لليابانية من حيث الاعتمادية والعمر التشغيلى المضمون ونعومة السواقة غير ان ان اليابانيين اخترعوا مفهوم السيارة السهله القيادة يعنى زمان لو بتسوق مرسيدس او اى سيارة اخرى ومش شاطر اوى متعرفش تركنها او تاخد مدة لغاية ما تتعود وتتعلم سواقة انما السيارات اليابانية فيها ميزة لدلوقتى وهى سهوله القيادة والتوجية والدفع ولا تشعرك باجهاد القيادة اتمنى تكون فكرتى وصلت وشكرا لكم ودمتم بود