كل سنة و كل أعضاء المنتدى و أمة المسلمين بألف خير و سعادة
بمناسبة شهر رمضان المعظم
بفضل الله أمتلك ميتشوبيشي لانسر 2007 هاف سبورت
كانت ماشية تمام مفيش أي مشاكل و علطول بعمل صيانتها خارج التوكيل
وكل حاجة تمام ، فلاحظت بالصدفة رائحة بنزين كريهة من الشكمان
خاصة ً عندك التسخين ، فكان معايا قرشين زيادة 
فقولت أروح التوكيل
اللي بيقولوا عليه (الرواس) و أجربه و أحل المشكلة ديه
المهم : روحت فجيه المهندس شرحتله المشكلة قبل ماخلص كلامي
قالي يا أستاذ البوابات عايزة تتنظف قلتله كام قالي 100 جنيه
قلتله و تمنع ريحة البنزين ديه خالص قاللي أكيد قلتله اتوكل على الله
خلص شغله و الشكمان طلع دخان أبيض و منع بعديها بدقائق
قاللي فول بنزين 95 بدل 92 مرة واحدة ومعاك ضمان 3000 كم
فاوافقت مع العلم أني دوخت عشان ألاقي بنزين 95 بصراحة
المشكلة بقى اللي ظهرت هي الـ RPM إتلخبط خالص
المفروض إنه يكون 900 لفة فى الدقيقة أو 9 على المؤشر
و العربية طول عمرها مظبوطة على كده ، الجديد أن RPM
لما بنقل D بقى ينزل جامد بين 1 و 0 تقريباً 2.5 أو 250 لفة
و ما يرضاش يطلع تاني حتى لو نقلت على N لازم أزود شوية
و بحس برجة فى العربية كأنها عايزة تبطل كما بالصور
(مصغرة يمكن تكبيرها بالضغط عليها)
فرجعتلهم تاني على المشكلة الجديدة قالولي أمشي شوية حوالي 100 كم
و أقرص على العربية شوية مشيت 500 كم و المشكلة زي ماهي
مع العلم إن ريحة النزين النيىء لسه موجودة
و كهرت اليوم اللي روحت فيه التوكيل و بصراحة ندمت
أرجو من الخبراء فى المنتدى المساعدة
بارك الله فيكم جميعاً و كل سنة و أنتم طيبيين