رد: عايزة اتجوز
دي بقى قصه جميلة حصلت مع واحد معرفوش
كان قابلني عند الترزي اللي بفصل عنده وهو حبيبه وحبيبي فعرفنا على بعض وقعدنا نتكلم
الراجل ده مكنش معاه حاجة
اتخرج وملقاش شغل ووالده ووالدته متوفيين ولقى شغلانه بسيطة يدوب بياكل منها عيش حاف وكل اللي يملكه عفش بيتهم طبعا موديلات قديمة جدا الستينات وشقة ايجار قديم ( العقد متجدد بنقل الايجار له بعد القانون الجديد ) وبوتاجاز 3 شعلة
واحد قاله ما تتجوز يا اخي وتشوف حالك شوية قاله مين ومنين وايدي على كتفك
قاله طيب عندك استعداد تاخد واحده مطلقة او ارمله قاله ماشي هو الواحد كان لاقي حد يرضي
قاله ماشي
بعدها باسبوع قاله اجهز هنروح لناس
راح معاهلواحد صاحبه عنده اخته،
شاف البنت وكانت مطلقة بطلوع الروح اللي هيا اتنازلت على كل حاجة ومش عاوزة حاجة بس تاخد حريتها
اتكلموا والحكاية واللي حصل وانا ظروفي كذا هل ترضي والبنت كانت متردده في البداية وبعدين قالت انا اخدت ايه من الغني غير الذل والمهانه خليني مع الفقير وخدوهم فقرا يغنيكو ربنا واتجوزو بعد جوازهم بكام شهر عمها توفي وعمها كان حاطط ايده على بيت قديم ليهم وارض في بلدهم ومش عاوز يديهم حاجة لما مات رفعوا الموضوع للمحكمة واخدوا الارض من عياله وعملوا محضر قسمه واخدوا نصيبهم هيا واخوها نعمل بيه ايه نعمل بيه ايه
عملوا مشروع بينها هيا واخوها
المشورع بدأ يكبر ومحتاج حد عنده وقت او متفرغ ليه طبعا اول واحد فكروا فيه هو جوزها تشتغل معايا اعترض شوية في الاول وكان لسان حاله بيقول انا مش كنت واخدها على طمع المهم يمين شمال انت هتشتغل بمرتب ومرتبك كذا وانت اولى من الغريب بدل ما اجيب حد يسرقني
ووافق
واشتغل والمشروع كبر وهو لانه متفرغ كان ماسك المشورع من الالف للياء لكن اللي اعرفه شهادة حق انه مكنش بيفتري معاهم وان حقهم هيا واخوها كان بيوصلهم اول باول علشان محدش يجي في يوم يقول انك كنت بتسرقانا او طمعان في ورث مراتك
وسبحان الله
من شقة ايجار قديم في مكان متواضع لبيت من بابه ملك اي نعم في مكان بعيد شوية بس تفرق كتيييييييييييييييير والبيت ما شاء الله مفروش احسن حاجة ( احسن حاجة في المتوسط مش احسن حاجة بتاعت احمد عز ) انا مشوفتش البيت لن اللي قالولي قالو كده
ومشوفتش الراجل ده غير مره واحده وهو معدي من جنبي بالعربية سلم عليا ومشي
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|