المشاركة الأصلية كتبت بواسطة ABD_CHEMIST
الاساتذة الافاضل
الرجاء افادتى ف هذا السؤال لانى ف حيرة كبيرة من امرى
انا كنت عاوز اشترى عربية هتكون اول عربية ليا ومتردد ف اختيار الماروتى
اولا انا هجيبها مستعملة عشان مخسرش كتير لما اجى ابيعها
وبعدين هل هتستحمل معايا ممارسة السواقة الاولي ليا انا بعرف اسووق بس مش ممارس
وهل ياترى تستحمل المطبات لان المنطقة عندنا مش ممهدة وفيها مطبات كتير
وياترى المطبات بتبوظ ايه ف العربية زى العفشة مثلا
وكم تكاليف تغيير العفشة لو باظت
وهل العربية واطية قوى
ومن جوة اخبارها ايه وهل ممكن التابلوه بتاعها يتغير بواحد اشيك
بصراحة انا معايا لحد 25 الف وكنت بفكر ف ابيزا تسعينات بس قولت اشترى الماروتى ارخص ف كل حاجة وبعدين ابقى ابيعها واشترى حاجة اعلى اهة احسن ماشترى 128 ولا ال132
ارجو الرد عليا بسرعة وباستفاضة لان بناءا على رد حضراتكم على النقط اللى سالت فيها انا هاخد قرار
واخيرا تنصحونى باى موديل
وهل اشترى دلوقتى ولا استنى لمل الاسعار ترخص شوية
انا عارف انى طولت وتقلت عليكم اوى اوى بس عشما فى حضراتكم
|
اهلا بيك يا غالي
بالنسبه لانك بتفضل الماروتي عن ال128 او 132
مع احترامي ليك انا مش معاك
لان الماروتي 895 سي سي
وال128 1300 سي سي
و132 1600 سي سي
فاحسنهم في القوة و التحمل ال132
اما كلهم مفهمش اوبشن يعني كاست و خلاص
وهيبقو ارخض كمان
او ممكن تجيب هونداي اكسنت موديل 95 ب 27 الف
او لادا موديل 99 ب 26 الف
يعني فكر في عربات غير الماروتي في عربيات كتير
ولو احتاجت اي حاجه انا تحت امرك
وبالتوفيق يارب
تقبل احترامي