[TELEBK]

إيه الجمال ده ، تسلم إيدك والله ، ده زي مايكونوا في مستشفي وفي أوضة العمليات مش في مصنع ، ده ياراجل من الصور ماشفتش ولا ورقة واقعه في الأرض ولا بقعة زيت ولا ميه وتراب ، إيه ده أنا متهيألي أن مفيش عندهم " دبان " في البلد ديه ، أنا مش شايف واحد من المهندسين أقصد العمال بيهش بإيده في الهوا ولا حتي بيمسح عرقة بفوطة زفره أقصد صفرا ولا مثلا لابس شبشب بزنوبه وماشي في المصنع ، دول حاجة حلوه أوي والله ، تقولش ياباشا عرسان واقفين في الكوشة ، ولا منظرهم وهما بياكلوا حاجة تفرح وخصوصا حتلاقي الأكل " أوبن بوفيه " يعني حاجة خمس نجوم ، ولا الجوانيتات بتاعتهم معلهاش بقعة زيت ولا حته شحم .
فكرتني الصور ديه بيوم مارحت التوكيل كنت بعمل صيانة وكنا قاعدين تلاته في أوضة الإنتظار وكان معانا 3 دبانات رخمين أوي ، أقعدنا نهش فيهم وهما مصدقوا لقوا حته فيها تكييف وقعدوا ومش عايزين يخرجوا ، في النهاية إحنا إللي خرجنا وسيبنهالهم .
ديه العربية ياباشا كأنها عروسة بتتجهز لعريسها وعند الكوافير بيظيط ليها المانيكير والباديكير ، إيه الروقان ده .
علي العموم تسلم إيدك ، وفي إنتظار المزيد .