المشاركة الأصلية كتبت بواسطة اسماعيل نصار
طيب يعنى اية ربطلى العفشة ؟؟؟؟
بعدين انا خيف جداااااااااااا على العربية خيف لحسن حد يغير فيها حاجة او بيوظهااا
و بعدين كمان عوز اعرف اعمل الموضوع دة فى التوكيل اصل العربية خليجى
و بعدين بخصوص الزيت بتع المتور مش المفروض علشان اغير الزيت لزم العلامة بتعت الزيت
تنور فى التبلووة
يا جماعة يريت لو حد معاة سيراتو يكلمنى ياريت
|
بص ياباشا
فى الاول زى ما الاعضاء افادوك انك كنت لازم تعمل صيانه 1000كم
وعادى جدا انك تروح اى توكيل لكيا حتى لو عربيتك خليجى دى مفهاش مشكله كل الموضوع انه بيزود نسبه على العربيات الخليجى
انا معايا سيراتو زيك ورحت عملت صيانه 1000كم و 10.000 كمان
اولا انت مابتقلهمش اعملوا حاجه فى العربيه
انت اول ما بتدخل التوكيل بيقولولك عايز ايه هاتقلهم صيانه 1000 بس
هيسألوك ليك اى شكوى تانيه تقولهم على موضوع التكيف ده
وبعدين هايستلموا منك العربيه وحضرتك هاتستنى فى الاستراحه لحد ماتخلص
التوكيل احسن فى ايه بقى؟ سؤال مهم
اولا انت لو تفتكر وانت داخل قولتلهم صيانه 1000 بس
هما بقى عملوا ايه؟
1/حطوا المكنه والفتيس لو عربيتك ماتيك على الكمبيوتر لكشف اى خلل
2/بيربطوا عفشه العربيه كلها
3/بيكشفوا على اى سوائل فى العربيه (ماء الريداتير والمساحات ...الخ) وبيزودها من نفسهم
4/بيغيروا الزيت وفيلتر الزيت ويستحسن انك تكون قايلهم 10.000 بدل مايحطولك 5000 ويمشوروك على الفاضى كل 5000كم
5/الكشف على كوالين البيبان والكابوت والشنطه (عشان لو تقال فى القفل ولا حاجه)
6/الكشف على الانوار
7/هايعملولك اى حاجه انت اشتكيت منها وقولتيلهم عليها
8/مش فاكر ايه تانى بس هما 12 حاجه
ملحوظه: مافيش حاجه اسمها لمبه الزيت تنور فى الطابلوه عشان تغير الزيت.
حضرتك تظبط trip بتاع العربيه على 10.000 وكل 10.000 تروح تغير زيت وفيلتر
ياريت تكون استفدت وترحم عربيتك شويه ههههههههههههههههه
لو عوزت اى حاجه تانى اسأل وانا معاك