عاوز تقسيط اسلامي بس في بنك غير الوطني للتنمية ضروري افيدوني
انا بصراحة عندي مشكلة وعاوز رأيكم فيها ضروري
انا رحت معرض عشان اسط عربية بنظام المرابحة الاسلامية وقالولي هيكون مع البنك الوطني للتنمية اللي هو ابو ظبي الاسلامي سابقا وكتبنا الورق اللي هيروح البنك للاستعلام وجاء المندوب للبيت وبعدين راح الشغل ومن هنا تبدأ المشكلة لاني مهندس ديكور في معرض والمعرض بيفتح متأخر في رمضان فراح المعرض ولقاه مقفول فرفض طلب التقسيط وطبعا انا مش لاقي معارض بتقسط اسلامي وتكون مع بنوك اسلامية زي البركة او فيصل حاولت احل المشكلة ورحت بعد الموضوع ده باسبوع سبت المعرض اللي انا فيه ورحت مكتب ديكور ومواعيده مظبوطة ولمل كلمت المعرض اقولهم على الشغل الجديد عشان الاستعلام قالي ما ينفعش هو الاستعلام مرة واحدة وخلاص عشان اسمي اتسجل عندهم
مش عاوز اطول عليكو اكتر من كده بس فعلا انا محتاج العربية جدا ومش عارف اروح معرض تاني واخلية يبعت بياناتي على البنك الوطني واكتب بينات الشغل الجديد بس خايف يقولولي انت بعت قبل كده طلب ببيانات شغل تاني ولا في معارض بتتعامل مع بنك البركة وهو برضو بنك اسلامي؟؟
افيدوني ربنا يخليكو
|