السلام عليكم
انا معايا عربية جولف 2 لسه شاريها بقالها يومين
العربية بتكركر وبتنتش وبتطلع عادم غامق من الشكمان وبتاكل بنزين جامد اوي، وديتها لميكانيكي فتح الكبوت وفتح العلبة بتاعت الاير فلوميتر وقالي البتاع ده حد لعب فيه، وطالما حد لعب فيه لازم يتغير علشان ده بيتظبط مره واحده بس
وقعد يلعب في مسمار الانكيه جنبة كده فراح ظبط العربية شوية وال rpm وطي شوية والعربية ارتاحت شوية لكن بردو لسه بيتذبذب شوية يعلى وشوية يوطى لوحدة
بس كده كده المشكلة بردو لسه متحلتش هو بس هداها شوية
Uploaded with
ImageShack.us
انا مش عارف هو بيشتغلني وفعلا الاير فلوميتر ده مبيتظبتش تاني ومحتاج يتغير ولا في حد بيعرف يظبط الاير فلوميتر ده
انا محتاج خبراتكم يا اخواني ولو حد واجهته مشكلة زي دي يقولي عمل ايه
وقولولي الراجل ده بيشتغلني ولا لاء لانه بيقولي الاير فلوميتر وهيغير معاه بوابة فهيعملوا 800 جنية
لو حد يعرف حد بيظبط الايرفلوميتر ده قولولي وانا اروحله، انا لسه شاري العربية ومش معايا ولا مليم تاني
ياريت سرعة الرد والتفصيل
شكرا
م/مدحت شوقي