[فادى]

المشاركة الأصلية كتبت بواسطة sh_masry يا استاذ فادى بالمنطق كده ..... 90 % من اللى بيركب المواصلات دى مش قادر يشترى اساسا عربيه حتى و لو سيات يبقى لما العربيات ترخص برده فئه محدوده من الناس اللى هاتشترى يبقى بتزود عربيات فى الشوارع و برده الناس اللى بتركب المواصلات هى هى ...... و زى ما انا كتبت ان احصائيات المرور انه فى 4 مليون عربيه فقط فى مصر و احنا شعب تعدى ال80 و يمكن ال 90 مليون يبقى لما حتى تزود ال4 مليون عربيه دول ل 8 مليون (و طبعا انت وقفت المرور كده خالص فى الشوارع و مش هاتعرف تمشى لأنك اصلا دلوقتى مش عارف تمشى) شوف بقى برده كميه الناس اللى هاتفضل تركب مواصلات قد ايه !!!!!!!!!

ماهو الناس بتنتقل بوسيلتين, يا اما المواصلات يا اما العربيات,
أكيد الشريحة اللى هتزيد من مستخدمى السيارات هتقلل من مستخدمى المواصلات, و ده هينعكس بالايجاب لأن حتى الأن الميزان مختل لصالح المواصلات,
حضرتك بتفكر بس فى زحام الشوارع لأن حضرتك تمتلك سيارة,
طيب مفكرتش فى زحام المواصلات؟ مش دى ازمة برضو لازم نحلها و هى اولى من ازمة الزحام, لان راكب السيارة مهما كانت الدنيا مزدحمة لا يشعر بمعاناة من يستقل مترو الأنفاق فى ساعات الذروة,
و فى النهاية هنوصل لنقطة (كما هى طبيعة الحياة فى اى شىء) تسمى نقطة الذروة, أو الpeak point, اللى هيبقى فيها ازدحام السيارات الى حدوده القصوى, و ساعتها هيفضل عدد كبير من راكبى السيارات استخدام المواصلات العامة, طبعا لازم الدولة تحسن هذه المواصلات و تصرف عليها شوية, و تزود عدد القطارات و الأوتوبيسات, و تحسن من نوعيتها حتى تجتذب شريحة من راكبى السيارات.
يبقى الأفضل للجميع هو زيادة السيارات للتخفيف عن المواصلات,
فى لندن الموظف بيسيب عربيته و يروح شغله بالمترو مش لأنه راجل متحضر و مش عايز يلوث البيئة و الكلام الفاضى ده, لكن ببساطة عشان المترو هيوصله اسرع,
و فى النهاية هتلاقى انو ال8 مليون عربية اللى حضرتك بتتكلم عنهم, نصفهم فقط أو ازيد قليلا هما اللى ماشيين, و الباقى مركون و لا يستخدم الا فى الاجازات و عند السفر.