[sad-bird]

المشاركة الأصلية كتبت بواسطة Injection ما شاء الله يادوك, مستنى الماجستير معاك أهه ربنا يسهلك طريقه (بعد الماجيستير نكمل الكلمة ونخليها دكتور). يسمع منك ربنا والتوحد فعلا فى زيادة فى مصر, بس لو أخدنا بالنظرية الجينية أو حتى النفسية, فليه بيزيد, علشان معدل المواليد زاد فمعدل الأصابة زاد معاه؟ ببساطة ودي وجهة نظري المتواضعه 1. الزيادة السكانية ( احنا النهاردة 70 مليون لو حتى على المعدلات القديمة 3: 5 لكل 10 الاف مولود يبقى احنا عندنا في مصر ما بين 21 الف إلى 35 الف شخص 2. زياده معدلات التلوث خصوصا معدن الرصاص والزئبق 3. زيادة معدل الوعي الثقافي والصحي في مصر وده يشهد للأعلام المصري فيه 4. خروج ذوي التوحد من تصنيف ذوي الاعاقة العقلية ( لان الفترة السابقة كان يصنف التوحد ضمن فئة الاعاقه العقلية طالما فيه اداء على مقاييس الذكاء المعروفه ) 5. زيادة كم البحوث والمتخصصين في المجال 6. الاهتمام وزياده دور مؤسسات المجتمع المدني في رعاية الفئات الخاصة ( الجمعيات الاهلية والمؤسسات ذات الطابع الخاص ) كان الدور قاصر على وزارة التربية والتعليم في مدارس التربية الفكرية وكان الطفل يلتحق بها طالما حصل على درجات على مقاييس الذكاء المعروفه ( وكسلر او بينيه او القياس المصور ) وان كنت اعرف ان الوزراة تستخدم بينية فقط وأحم, أممممم, بخصوص كورس الميكانيك, هو حضرتك كنت بتهزر ولا جد, علشان أحضر نفسى بس.

هو انت لسه بتفكر والا ايه
فيه ناس مبتدئين داخله الموقع زي حالاتي كده ميعرفوش اي حاجة في العربيات ومحتاجين المعلومات دي

اعمل موضوع في ميكانيكا السيارات من الالف للياء وابدأ فيه
1. تعريف الماتور
2. نقل الطاقة من حرارية لميكانيكية
3. السعة اللترية للمواتير
4. احجام المواتير بشكل عام ومواتير العربيات بشكل خاص
5. اجزاء الماتور ( بساتم ، صبابات قطع ثابته ، متحركة )
6. استهلاك الوقود
7. كيفية حساب الهورس باور والعزم ولو تقدر توضح نظريات العزوم ومحصلة العزوم والحركة من الثبات
8. كيفية زيادة الهورس باور والفرق بين العربيات العادية والرياضية
9. الفروق بين المواتير بتيجي منين اذا كان السعة اللترية واحده ايه اللي بيعمل فرق في الهورس باور او العزم او السرعة رغم ان السعة اللترية واحده واذا كان الفرق ده بيتعمل في الجير يبقى ايه المشكلة لما كل الشركات تتبع مقاييس ثابته في مقاسات التروس ونقل الحركة وتبقى السرعات واحده
10 . وقدام بقىممكن تعرض مميزات كل عربية وعيوبها لو ينفع طبعا الكلام ده مش مقارنه او ريفيو لكن مثلا هتيجي تتكلم عن العربيات الياباني عموما ونعومه ادائها وتحملها ، هتيجي تتكلم عن الالماني وتتكلم عن ثباتها وقومة العزم والهورس باور ،هتتكلم عن الفرنسي وجمال الشكل والقوة في الاداء ....... إلخ طبعا انا مش متخصص زيك علشان اقولك تقول ايه وتعمل ايه


وكفاية كده النهاردة لغايه لما افتكر الواحد ممكن يعوز ايه
علشان فيه واحد حبيبنا عاوز يظبط عربية دايو لانوس دهبي باكصدام اسود من قدام هو راشه بايده واسمها لولا




طبعا انا مش بقول اشرح كل حاجة بالتفصيل
اشرح على قد اللي تقدر عليه اولا وثانيا على قد اللي الناس تقدر تفهمه لان مش كل الناس متخصصين
م الأخر كده
اعمل ملخص لكل مواضيع المنتدي اليمكانيكية والمشاكل والاعطال وجمعهم في موضوع مرتب ومتكامل ومتظبط وضيف عليه انت من عندك الباقي