[خالدخليفة]

المؤتمر الثالث (قمم محافظة الشرقية)
راكبين مرة قطار بورسعيد وده غالبية المدنيين اللى بيركبوه من الزقازيق اومن الشرقية بصفة عامة
ومش فاكر ايه اللى جاب سيرة الشرقية واعلام وقمم محافظة الشرقية
وفوجئت ان معظم ركاب القطار لايعرف غير ان الشرقية انجبت 3 فقط
ادهم الشرقاوى
احمد عرابى
عبد الحليم حافظ
يادى النيلة السودا
يعنى الشرقية مجابتش غير واحد حرامى وواحد ظابط جيش معندوش دين اكل علقة فى التل الكبير ومطرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟!!!!!!
وكلهم اندهشو لان معروف ان دول قمم لايجوز المساس بيها
اولا ادهم الشرقاوى ده كان قاطع طريق وحرامى لكن كان عنده نخوة وشاف واحدة ست الانجليز بيهينوها وبيضربوها ووقعوها على الارض وبهدلوها فلما تصدى للعسكرى الانجليزى اللى وقعها على الارض وضربها تحولو عليه لكن هو ورجالته تصدوا وقتها للعساكر وضربوهم مع الظابط اللى معاهم
والظباط طبعا جهزو قوة بعد كده ولما عرفو انه حرامى وقاطع طريق اصرو يطاردوه وتحولت الحكاية الى مسالة شخصية بينه وبينه الانجليز بعد كده يعنى لاو طنية ولازفت (دى معلومات قريتها من مصادر مختلفة وانا مبشوفش مسلسلات ولا اثق بها تاريخيا لان لهم حسابات معينة بيعملو حسابها وممكن يحرفو التاريخ فى سبيل سياسات معينة)
وأما احمد عرابى فهو ظابط جيش جايز كان عنده شجاعة لكن مكانش عنده دين ولما كانو رايحين يحاربو الانجليز العصر أذن طلب منه الجنود انهم يصلو بالترتيب بحيث جزء يصلى وجزء يحرس اللى بيصلو رفض رفض قاطع وقال صلاة ايه وبتاع ايه احنا عندنا ماهو اهم
وطبعا اكل علقة فى التل الكبير محترمة
ثم عبد الحليم حافظ ومع احترامنا لكل اللى بيحبوه فلايصح اننا نتفاخر تاريخيا بمطرب
عيب يعنى معندناش قمم خالص
وبصراحة لقيت ركاب القطار كلهم سكتو ومعظمهم بيبص لى شذرا وتقريبا هيفترسونى ورغم الزحام الرهيب لكن ترمى الابرة ترن زى المثل م بيقول
وفهمت انى على وشك الهلاك وببص بره لقيت القطار بيجرى بأقصى سرعة
يعنى أقل زقة بره مفيش خالد خليفة
وبلعت ريقى ولحقت نفسى وقطعت سكون الرحلة وكملت كلام بسرعة
قلت لهم
متعرفوش عبد الحليم محمود شيخ الأزهر رحمة الله عليه؟؟
ولا الشيخ عطية صقر رئيس لجنة الفتوى رحمة الله عليه ؟؟؟؟؟
ولا الشيخ يوسف البدرى
ولا الشيخ عبداللطيف مشتهرى رئيس الجمعية الشرعية السابق ومؤلف كتاب من الكتب العظيمة اسمه هذه دعوتنا (وهو اول كتاب قرأته بالمناسبة بعد التحول من مرحلة ميكى وسمير وتان تان(مجلة اختفت من 30 سنة)
ولاخيرى السمرة عالم جراحة المخ والاعصاب
وفاروق الباز عالم الفضاء
ومجدى يعقوب الجراح الشهير
وغيره وغيره وغيره
وقبل كل دووووووووووووووول
سيدنا موسى النبى العظيم
الذى ولد بالزقازيق وعاش وتربى فيها حتى طارده فرعون فسافر الى مدينة اخميم بعد سوهاج ب 5 كيلو وحدثت هناك حادثة السحرة والثعابين وليس هنا مجال سرد قصة سيدنا موسى
وفوجئت ان القطار كله ساكت وفجأة
واحد قال والله يااخى افدتنا ايوه كده ياشيخ الواحد كان فاهم ان الشرقية دى مجابتش حد غير 3 بس
وانت منين بقى
فقلت / انا صعيدى
منين
من اسيوط
وبلدكو جابت مين بقى
جابتنى انا
ههههههههههههه وضحكنا كلنا وانتهى الموضوع على خير