انا مستني لحد نص السنه بفارغ الصبر
علشان اشوف العربيتين بتوعهم حيعملوا ايه
انا بقيس السوق بالمحله عندي باعتبار انها صغيره نسبيا
و انا ماشي فيها عيني زي الرادار علي اي عربيه جديده
ايام ما الياريس نزلت في 2006 ابن خالي كان اول واحد جايبها في المحله
لحد ما انا اخر 2007 و جبتها موديل 2008
كان فيه حوالي 10 عربيات و نصهم كحلي(لون عربيه ابن خالي)
و لما اشتريت الفيراني كانت اول فيراني و اول 2008 تنزل المحله
و كان كل شويه واحد يوقفني و يسالني
دلوقتي فيه يجي 30 او 35 عربيه عارفهم بالشبه و النمر كمان !!!!
تعالي بقي 2009
مافيش ولا عربيه موديل 2009 نهائي لقيتها
و لا اي وجود للكورولا ال 2009 مع تواجد ضعيف لل 2008
و دا اللي مفرحني بالنسبه للعينه اللي بختبرها ان مافيش حد جابها
مع تواجد ضعيف جدا للعربيات الزيرو عموما
السنه اللي فاتت كنت كل ما امشي الاقي عربيات بنمر تجاريه او من غير نمر و عليها اللزق الابيض بتاع الفابريكه
دلوقتي خلاص قليل اوي لو شفت المنظر دا.
ياما نفسي التوكيل ايام ما يبعش ولا عربيه علشان يتعدل شويه و يبطل جشع
اعذروني بتكلم كتير بس انا غاوي اتكلم
