المشاركة الأصلية كتبت بواسطة أحمودى44
ارجو من خبراء المنتدى الكرام افادتى عن هذه المشكلة
عندى كيا شوما 98 اوتوماتيك.... المشكلة فى امبير الحرارة بيوصل عند النص تقريبا فى الحاله العادية يعنى اول ما اسخن العربية واطلع بيها
طبعا اول حاجه عملتها انى نضفت الرادياتير وحطيت ميه خضرا لكن برضه الوضع زى ماهو
فى ناس قالتلى ان ده عادى
لكن انا حاسس ان فى حاجه لان لما اكون ماشى فى طريق زحمه لمده طويلة الحرارة بتعلى عن النص
كمان لما يكون معايا تلاته كمان مثلا ممكن الامبير يوصل لغايه قبل الاخر بشرطه
بصراحه انا احترت ومش عارف اعمل ايه
ياريت يا جماعه اللى عنده حل يقووووووووول
|
شوف يا باشا
انا كان معايا شوما موديل 2001
موشر الحرارة دائما على النص ملوش علاقه بعدد الركاب فى العربية
اول لما تدور زى الزحمه مفيش اختلاف
اذا الموشر طلع اكتر من النص يبقى فى حاجه غلط لازم تكشف عليه
ياريت تتاكد من فيشة المروحه علشان كانت عندى بتعلق ساعات لغايه لما غيرتها للاسف الفيشه مش بتباع لوحدها لازم مع الردياتير وفى الاخر غيرتها عند الكهربائى وركبلى واحده بتاعت جولف واشتغلت تمام
ارجو ان اكون افدك