[أحمد السويسى]

المشاركة الأصلية كتبت بواسطة corsair معلش ممكن بس اعرف هيه افضل من الفيرنا والانوس اللي شاربين مرار البلد من 10 سنين في ايه يا بشمهندس متاخدش بالمظاهر ومتحكمش علي عربية الا بعد علي الاقل 3 سنين من ركوبها وبهدلتها مش عربية لسه بنت اول امبارح بقت احسن من عربيات كواتشها معلم في الاسفلت

أنا أقوللك يا جميل انا قبل ما اشترى العربية كان عندى عربية وبعتها وبين البيع والشراء حوالى أسبوعين

الأسبوعين دول كنت بركب تاكسيات علطول ومكنتش نويت على الf3

كل مركب مع سواق واقوله اللانوس او الفيرنا لان دول حدودى يقولى عربية وحشة وبتستهلك قطع غيار كتير

ومنهم نصحنى بالf3 وفضلت ادور واجمع معلومات عنها ولقيتها ممتازة بالمقارنة بالعربيتين

اولا أرتفاع العربية من الخلف ودى محدش يقدر ينكرها إنها عالية جدا وأعلى بكتير من اللانوس والفيرنا

وده طبعا عيب مهم فى العربيتين لأن اللانوس والفيرنا بيحكوا فى المطبات ولازم تاخدهم بجنب

ملحوظة هامة :- انا حاطط اسطوانة غاز ومعايا 3 ورا وبطلع المطبات عدل مش بجنب

تانى نقطة شنطة العربية اكبر بكتير من اللانوس والفيرنا ودى بردو ميزة جامدة جدا فيها

تالت نقطة ثبات العربية على الطريق فى السرعات العالية مش زى الفيرنا بعد 130 بتعوم

رابع نقطة العربية كاملة من كلوا لغاية الجنوط وكمان سعرها ارخص

أهم نقطة والأخيرة إن العربية بقالها اكتر من 5 سنين مع الناس
محدش إشتكى من أى عيب ملموس نهائيا وثابتة نفسها

مش زى حضرتك ما بتقول بنت اول امبارح

عيوب العربية اللى انا شايفها التقفيل المصرى من جوا الشنطة والكبوت فقط

واى سؤال انا مع حضرتك للخدمة العامة للجميع