[خالدخليفة]

محمد أخبار
محمد اخبار ده كان بتاع جرايد بيقف ادام محطة ابو تشت (اسمها كده مش ابو طشط زى م الناس فاهمة)ربنا فتح عليه ورزقه بمحل كبير واتوسع واتجوز تانى وزوجاته ال2 كل واحدة كانت بتخلف وماشاء الله عنده حوالى 10 عيال وابتدا يجهز لجوازة البنت الاولانية
وانا روحت وديت له طلبية و2 و3 ودفعهم كلهم وجينا فى ال3 بقى يتاخر وميدفعش وميردش وقصة طويلة كده
وفى يوم اختفى
فين عم محمد
لقيت اجابات مش مريحانى
وسألت اخو ه
فقال/ والله ياولدى الواحد مش عارف يقول لك ايه
خير ياحاج
اصله اخد قرض من البنك علشان ياخد محل تانى
وبعدين
هيا فيها بعدين بسبب القرض ربنا خربها له ودلوقت محبوس
يعنى راحت ال1000 جنيه اللى ليا
م راحتش ياولدى بس اصبر علينا
وصابر بقى لى اكتر من 4 سنين
ربنا يطلعك بالسلامة ياعم محمد