[احمد بدر1978]

المشاركة الأصلية كتبت بواسطة خالدخليفة الأستاذ / ميخائيل سافرت المنيا وهناك دخلت اكبر شارع تجارى مشهور وهو شارع الحسينى وقابلت هناك احد كبار التجار وكانت الدنيا مولعة بين المسلمين والأقباط هناك سنة 1999 وانا شخصيا لااعرف هذا الكلام الدخيل علينا كمصريين وهذا ليس كلام انشاء بل حقيقة واقعة ولاانسى أبدا الست ام عياد جارتنا كانت من احسن الناس وكانت ست كويسة جدا خرجت للحياة وجدت زوجها متوفى وكنا نلعب انا وابنائها موريس وسامى وسميرة ونحن اطفال لكن عياد كان كبيرا عنا فكنت اجده واقفا مع شباب الشارع ايامها الأن هو جد المهم دخلت على الأستاذ / ميخائيل مساء الخير ياافندم اهلا وسهلا الشركة العربية للعطور اهلا بيك اتفضل يابيه اشكرك وكان وقتها بياكل فقلت /انا هنتظر خارج المحل لحد متخلص أكل فقال / لا والله لايمكن اتفضل معانا اشكرك لايمكن انا واكل ومش جعان فعلا يابيه متخافش احنا جايبينه من واحد مسلم والا انت خايف تاكل معانا ياراجل متقولش كده خلاص هاكل علشان تعرف ان تفكيرى مش كده واكلت تمام ورغم انه كان فول وانا مباكلش الا الفول اللى بتعمله ام عمر فى البيت فقط لكن اكلت وهيجيب حاجة ساقعة فقلت مبشربهاش ومرضيتش اقول انى مقاطعها علشان اليهود وعمايلهم هنخش فى موضوع تانى فقال / طيب هجيب شاى من القهوة يعنى مش هنعمله احنا ياعم ميخائيل ايه حكاية احنا وانتم دى م تخلى الموضوع بسيط اعمل شاى هنا ياعم والمرة الجاية تجيبلى فراخ مش تضحك عليا بشوية فول ؟؟؟؟؟ وكان هزار طبعا ونسيت الموضوع والمرة اللى بعدها روحت له واول مشافنى بعت جاب فراخ ياعم انا مش جعان ياباشا ده طلبك انت نسيت انا ايوه وفكرنى واضطريت اكل ويومها طبعا مشتغلتش وبقينا اصحاب انا وهو وفى يوم دخلت وجدت عندهم قس من الكنيسة فوقفت بره المحل فحلف لازم تدخل واخدنى بالحضن وازيك وعامل ايه ولمحت نظرة الدهشة فى عين القس لان ظروف البلد هناك متقولش الكلام ده وعرفنا ببعض الاستاذ خالد /ابونا فلان اهلا وسهلا بيك اهلا ياابنى واتكلمنا شوية ومشيت والمرة اللى بعدها بيقوللى / تصور ابونا خايف لتكون من امن الدولة وقعدنا نهرج ييجى اكتر من ساعة لحد م فى يوم ذهبت للمحل ووجدت ورقة توفى الاستاذ ميخائيل حزنت عليه لانه كان من الناس الكويسين جدا ذهبت عزيت اهله ورغم منظرى الغريب شاب له لحية كثيفة فى محافظة المنيا عام 1999 وفى وسط الاحداث الملتهبة داخل بيت كله اقباط وفوجئت بالكل اخد وضع الاستعداد دخلت سلمت عليه م وفهمتهم انه كان صديقى وانا جاى اعزى فيه ولقيت الموضوع انقلب تماما رحبو بيا واتفضل ومتشكرين و منجيلكش فى وحش(الكلام الدارج ) ومشيت وتعجبت على حال الدنيا وعلمت ان هناك اصابع خفية تـلعب فى مقدرات هذا البلد والكارثة انهم معروفون للجميع

فعلا مفيش حاجة اسمها مسلم ومسيحى فية حاجة اهم اسمها مصريين
وبس
لعنة الله على من يوقد الفتنة بين ابناء الوطن الواحد