طبعا الواحد فينا ممكن يعيش ويموت عادي جدا من غير مايشوف عربيه لامبورجيني او حتى ظلها في شوارع مصر أنا بقا جايبلكم النهارده وجبه دسمه(اللهم اني صائم) عباره عن5مقاطع لعربيات لامبورجيني جامده جدا وهي ماشيه في شوارعنا بس تقريبا كلها جمرك مش مشكله المهم انها لامبورجيني معشوقه الملايين وحلم كل شاب!!
المقطع الاول:
جالاردو سبايدر بيضا صاحبها ماشي بيها في وضح النهار عيني عينك قدام الناس ومش خايف عليها من شوارع المحروسه
المقطع الثاني:
جالاردو صفرا في المهندسين شوهدت بجوار نادي الرمايه(حلوه شوهدت ده) بس جامده جدا جدا
المقطع الثالث:
عربيتين لامبورجيني جالاردو مره واحده ..واحده منهم صفرا والتانيه سوده ودول دوما بيتشافو في مارينا راكنين سوا لإنهم صحاب
المقطع الرابع:
كوكتيل لذيذ عربيتين لامبو واحده فيراني وبيضا على عربيه فيراري f 430 والرابعه m5 وأحلى لعب وتنطيط وكل ده بيحصل في الميرغني في منتصف الليل!
المقطع الخامس:
واحد ماشي أمان الله في صلاح سالم ورايح عالاستاد بيبص جنبه لقا لامبو جالاردو أحدث موديل قعد يصورها 10دقايق وفي وسط التصوير لقا عربيه بينتلي كونتينينتال بقا مش عارف يصور انهي واحده فيهم!! طبعا انا عارف كله بعد مايقرا الموضوع ده هيطلع على صلاح سالم بس ما اوعدكوش انكو هتشوفوها ده اكيد امه داعياله!
بس السؤال اللى بيطرح نفسه صاحبنا اللى بيصور ده كان راكب ايه؟!!؟
