رد: محتار بين التويوتا كورولا و اسكودا فانتازيا
شوف يا باشا
تويوتا كورولا ..
عربية يابانى محترمة من حيث السمعة و هى عربية ناعمة جدا و تكييفها تلاجة و قليلة الاعطال (بغض النظرعن مشكلة الفتيس فى التويوتا الجنوب افريقى) و لها سعر اعادة بيع جيد جدا
أما عيوبها تتمثل فى انها خفيفة على الطريق و قلة الثبات المعروف به السيارات اليابانى بالمقارنة بالالمانى بس للأمانة (مش هتحس بده خالص فى مصر و طرقها الجميلة ) فى مصر الناس مفهوم الثبات عندهم مختلف شوية و انا عاذرهم بصراحة و مش عاوز اذكر عربيات بعينها لأن الناس بتاخدها على صدرها ....
أوكتافيا و كما تسمى فى مصر (فنتازيا)
عربية تشيكية بروح المانية قوية جدا نظرا لانتماءها لمجموعة فولكس فاجن بها رفاهية عالية جدا .. شنطة واسعة جدا نظرا لأنها سبورت باك .. تكييف كويس.. ثبات خرافى على الطريق
و يعيبها ان وزنها تقيل جدا فا مش هاتعجبك فى الشد (بس برضه بأمانة مش هتحس بيها قوى فى مصر لأن 90% من العربيات اللى حواليك 1300 و 1600 )
لو انا مكانك هختار الفنتازيا بدون تفكير .. لأن معاها هتعرف يعنى ايه (متعة القيادة )
__________________
......................... ..
يا ترى جاهزين لتجربة السواقة اللى جاية ؟؟؟؟؟!!!!!!!
|