رد: تكييف سوزوكي ماروتي 800 cc
السلام عليكم ورحمة الله وبركاته
يا حبيب الناس انت فين ومش بترد علينا ليه
العربية سخنت امبارح جدا وكانت علي وشك تدخل علي المنطقة الحرجة في السخونة.. ومكنتش عارفة اعمل ايه وركنت علي الكورنيش في حتة ربنا اللي يعلم بيها .. وسواق تاكسي ربنا يباركله ساعدني والحمد لله العربية مشيت بس بعد ما زود مية الردياتير... الغريبة انها كانت ناقصة برغم ان القربة كانت مليانة علي الآخر.. وطبعا المروحة ما كانتش شغالة عشان المية كانت ناقصة هتقولولي ليه.. عشان الثرموستات بتاع العربية ما بيشتغلش لو المية ناقصة
المهم وصلت الشغل وانا علي اعصابي .. وواحد كشف عليها قالي ان دورة المية واقفة المية مش بتلف دورتها .. محلك سر.. طبعا كلمت المهندس بتاع التكييف وحكيت له .. حاول يفهمني ان ده طبيعي واني كان لازم ابص علي الردياتير ..
انا مش عارفة ازاي ده انا كانوا بيقلولي الردياتير ده ماتفتحيهوش خالص والمية تراقبيها من القربة.. وبصراحة هي عمرها ما نقصت لان العربية الحمد لله 2008 يعني لسه جديدة.. مش هطول عليكم روحت وانا حالتي سيئة جدا  والحمد لله علي كل حال وطبعا امبارح كان الحد يعني محدش بيكلم حد .. سبتها وجيت موتوتاكسي .. وهوديهاله بعد الفطار ودعواتكم ربنا يسترها
التعديل الأخير تم بواسطة Om Abd Allah ; 16-08-2010 الساعة 03:15 PM
|