[فادى]

الموضوع مش كده,
الموضوع انو سعر السيارة فى مصر غير مطابق لقيمتها الواقعية,
يعنى ايه ادفع مرتب 5 سنين فى عربية ممكن تروح فى ثانية لا قدر الله؟!
و مش عربية فارهة و لا معمرة, لا انا بدفعهم فى عربية فرز تالت بتدينى الحد الادنى من الأداء و الرفاهية,
و متصممة عشان تقعد 5 سنين لكن انا بقعدها فوق ال10 سنين.
الناس عمالة تتكلم طب هنخفض الاسعار ازاى, طب الجمارك, طب اليورو و الين!
من الأخر المستهلك ملوش دعوة بالكلام ده, خفضوا الجمارك, قللو هامش الربح, اعملولنا عربية فى مصر عشان نتجاوز اسعار اليورو و الدولار و الين, اتصرفوا
انما المستهلك مش هيشترى عربية بسعر فلكى يعادل اضعاف سعرها الحقيقى!
خلوها تصدى و موديلها يعدى.
انا نفسى الحملة دى تكون شاملة, يعنى مش وقتية بس لأن اسعار العربيات انخفضت فى العالم كله, لأ لازم تكون مستمرة لأن اسعار العربيات فى مصر دائما مبالغ فيها و يقابلها حملات اخرى على كل السلع المبالغ فى سعرها.
بس خلينا هنا فى العربيات.