[sad-bird]

المشاركة الأصلية كتبت بواسطة ahmedraafat00 السلام عليكم والهى يا جماعه انا عمال اضحك ومش عارف اعمل ايه بالرغم من المصايب اللى شايفها فى الجيب شيروكى انا كنت عملت موضوع كامل عن مشكلتى فى الشيروكى فى قسم الصيانه وهيا التقطيع وده اللينك http://www.masrmotors.com/vb/showthread.php?t=30177 المهم العربيه المره دى كانت عند الميكانيكى كالعاده وقعدت فتره محاوله اخيره للقضاء على مشكلة التقطيع و المدافع و كانت بيتغير ليها دفيره الكهرباء كلها بناء على تعليمات الوالد و تكلفت 400 جنيه طيب مفيش مشكله كله يهون بس ترجع زى الاول وقولنا خلاص بقى كل حاجه اتحلت والمفروض الراجل جربها مرتين و كانت تمام المهم وصل دلوقتى حالا تحت البيت وقولتله ايه الاخبار تمام قالى تمام اتكشف عليها بالكمبيوتر و كله تمام وانا جاى بيها زى الفل قولتله يركب جنبى و نجربها وقالى ماشى مافيش مشكله لسه العبد لله بيركب و يدور العربيه دارت و رعشت و بطلت ولما بتدوس بنزين وانت واقف بتسمع صوت فرقعه و بتدى مدافع ورجعت ايمه لعادتها القديمه وبكده نبقى رجعنا لنقطه الصفر تانى ملحوظه : اول مره اتغير كارته الكهرباء و كان ثمنها 2000 جنيه قولنا مش مشكله المهم تتظبط و للاسف مفيش فايده تانى مره اتغير دفيره الكهرباء وكان ثمنها 400 جنيه قولنا مش مشكله المهم تتظبط وللاسف مفيش فايده حتى طرمبه البنزين الراجل بص عليها يعنى طرمبه وشوفناها كارته كهرباء و غيرناها دفيره كهرباء و غيرناه فلتر البنزين و نظفناه طب نعمل ايه تانى العربيه المفروض انها بتبقى شغاله زى الفل انا بركبها بيركبها ميت عفريت انا حاسس ان فى حد فينا فيه حاجه غلط من ضمن المواقف الطريفه الشبيه: برده التى تدل على هذا مره كانت عند الراجل بيتركب فيها كاسيت و بابا راح جابها و جاى هوا و الميكانيكى سايق العربيه و مشغالين الكاسيت على الاخر و شغال تمام وصلوا تحت البيت بابا كلمنى عشان انزل اشوف الكاسيت اقسم بالله لسه بقف قدام العربيه الكاسيت وقف وحلف ماهوا شغال what بجد نفسى ألاقى حل للعربيه الفقر دى قبل ما أولع فيها و فى نفسى انا بعتذر لو الموضوع مش منسق لانى بجد يا جماعه ربنا يعلم بيا دلوقتى حالتى عامله ازى والمفروض ان يوم الجمعه رايحين بيها المصيف وكل حاجه متلخبطه

انا قريت الموضوعين
وانا خبرتي قليلة في العربيات لكن هقول اقتراحات واولاها الاقتراح اللي اغلب الناس قالته
اشمعنى انت .... يا اما مش بتعرف تسوق يا اما فيه حاجة غلط
مش هتكلم كتير في موضوع الحسد هو ذكر في القرآن واللي عليك انك تعمل له
1. تشغل قرآن كتير في العربية وطبعا سورة البقرة من الاضل تخليها شغاله على طول
2. الحلول العملية . انت غيرت الكارتة والضفيرة وبصيت على الطلمبة ، لكن هل شوفت دورة البنزين ، هل شوفت الاسبراتير ، هل الكاربريتير محتاج تنضيف ، هل كهرباء العربية والبوجيات محتاجة ضبط
3. الحل الاخير هيكون مريح لكنه غالبا هيكون مكلف انك تروح للتوكيل يظبها وانا معرفش حاجة عن توكيل جيب ولا جودته لكن اجتهاد مني
وياريت خبراء السيارات في المنتدي يقلولنا الحل فين