رد: عودة ...... إفطار رمضان
ايه يا جماعة حكاية التوهان اللي هتوهوه ده كل شوية نتوه نتوه نتوه امال لو هياخدوكي في ادغال افريقيا هتعملوا ايه
الأخوة اللي جايين من اسكندرية على الصحراوي
بعد لما تعدوا البواوبات هتمشوا تقريب 20 كيلو نزلة الدائري بتاعت الهرم تلفوا من عند المتحف الكبير وتطلعوا مطلع الدائري اتجاة المطار / او مدينة نصر ( مش فاكر اللوحة الارشادية مكتوب عليها ايه بس لو وصلتوا هناك ممكن تسألو اي حد وياريت سواق ميكروباص علشان الفتايين ) بعد لما تطلعوا الدائري هتمشوا تقريبا نص ساعة او ساعه الا ربع على حسب الطريق زحمة والا ايه ظروفه بعد حوالي تلت ساعه هتلاقي مخرج المرج وراه مخرج المطار / مصر الجديده كده انت قريب خليك في الطريق بس قربت هتلاقي بعد كده نفق تحت موقف العاشر تعديه وبعد كده تمشي خمس دقايق وهتلاقي اكاديمية مبارك للأمن على شمالك ومخرج مدينة نصر على يمينك مخرج ميدنة نصر 2 انا معرفش الربوة فين فاللي عارفها يقول على المكان بالضبط وممكن وانت عند اول النفق تحت موقف العاشر هتلاقي ميكروباصات القاهرة الجديده والزهراء أسألهم على الربوة فين بالضبط هيدلوك احسن من احمد ممدوح علشان هو عاوز يتوهكم
ههههههههههه
لو جايين من اسكندرية زراعي بعد لما تعدي كوبري قليوب انتبه كويس هتلاقي مطلع للدائري بيودي على الوراق والمحور والهرم
تسييييييييييييييييييييييي ييبه
وتمشي 200 متر هتبقى تحت الدائري كده هتلاقي قدامك على طول المطلع التاني اللي بيطلع اتجاه المطار / مصر الجديدة / مدينة نصر تطلع عليه وتمشي 5 دقايق هتلاقي المرج ثم السلام ثم ................... كملوا الباقي من فوق بقى مهو نفس الطريق
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 15-08-2010 الساعة 10:18 AM
|