[sad-bird]

المشاركة الأصلية كتبت بواسطة خالدخليفة مستمرييييييين عمك صلاح راجل طيب ماسك كشك الاستعلامات والبارك بتاع المحطة فى طنطا وطول النهار التليفون يرن ونادرا مايرد عليه (هو دايما ماسك وردية بالليل) طيب مبيردش ليه لانه نايم طول الوقت ومهما التليفون رن مبيصحاش ولو عربية داخلة البارك معاه واحد حبيبه ماسك الدفتر وبيدخلها واروح اختم منه الاشتراك يبص لى بنص عين وهو نايم الاختام هناك اهى تعرف تنزل المسافة وتختم ؟؟؟؟ اعرف طيب يالا اتجدعن علشان انام مسكين صارف كل فلوسه على النوم هههههههههههههه وف يوم اصطادنى وعمل اختبار عبيط كده وقال انت بتصلى فى الجامع ؟؟؟ ايوه وبص لى بنص عين اوعى تكون من العيال اللى عاملين نفسهم سلفية دول كلنا سلف ياعم صلاح فبص لى بشك وارتياب وقال / انت بتحب سيدنا الحسين ؟؟؟؟؟(ايه السؤال العبيط ده اى مسلم لازم يحب سيدنا الحسين /طبعا فى سرى) لكن انا فهمت مغزى السؤال ورديت / طبعا بحب سيدنا الحسين وبحب آل البيت كلهم وتنفس الصعداء ولا اللى لقى لقية ايوه كده ياراجل كنت فاكرك سنى سلفى طلعت صوفى الحمد لله انك صوفى اصل انا من اول يوم شفتك حسيت انك انسان طيب ومحترم وكنت خايف لتكون مش صوفى انا فى سرى صوفى ؟؟؟؟ الله يسامحك ياعم صلاح يالا روح خد البركة من عمك السيد على م اختم الاشتراك مين عم السيد السيد البدوى رضى الله عنه (طبعا فى كتب كتيرعن حقيقة السيد البدو ى من اهمها كتابالسيد البدوى للدكتور جمال عبد الهادى وهو من علماء التاريخ والدين الكبار واستاذ التاريخ بجامعة المنــصـورة) ايش عرفك انه رضى الله عنه ايه ياعم خالد انت هتزعلنى منك ليه طيب متزعلش هاخد البركة المرة الجاية علشان عايز الحق قطار30 دلوقت ماشى وكل مرة اختم الاشتراك وهو نايم ولاحاسس لحد فى يوم اختفى فين عم صلاح طلع معاش وانا ضاحكا / اذا كان طول النهار نايم وهو فى الخدمة اومال فى المعاش هيعمل ايه ههههههههههههههههههه

انت كنت هتدخل في متاهة تانية خاااااااااااااااالص
ربنا يهدي الجميع