رد: الفرق بين الصنى والنترا والانسر والكورولا
الظاهر فى حاجة اليومين دول كل الناس مقبلة على الالنترا والصنى ........
انا هقولك الى اعرفة عن كل عربية
الصنى تجميع محلى و صالونها اضيق من الالنترا بس العربية ثباتها ممتاز وتقيلة على الارض وكمان سعرها رخيص لو جبت السوبر صالون بـ 104 الف هتلاقى فى حاجات كتير مش هتلاقيها فى نفس السعر زى الاية بى اس والوسائد والمريات التى تطى كهربائيا وحاجات تانى بس بتبقى فى مشاكل فى ضفيرة الكهرباء بس مش عارف الجديد فية الحكاية دى ولا لا
الالنترا عربية حلوة كشكل وواسعة من حوة ولاكن احسها زى الفيرنا فى كمالياتها وخاصة اول فئة فيها والفئة العالية بس منها الى فيها اية بى اس بـ 115 الف بس المحرك بتاعها جامد وبيدى قدرة حصانية حلوة والفرامل مش مناسبة قوى للمحرك القوى دة ومن مميزاتها كمان رخص سعر قطع الغيار الكورى
الانسر البومة افضل من الاتنين فى رائيى الشخصى ... ومسمعتش عن عيوب فيها كتير اقصد انى مفيش عيب اتكرر من شخص استعمل العربية حتى من اصدقائى اصحاب مكاتب تاجير السيارات بس هى عيبها ان سعرها غلى السوبر اكشن بقى بـ 126 الف بعد ما كان الهاى لاين بتاعها من فترة بـ 114
والـ 1300 بتاعها هيبقى ضعيف والصنى احسن منة لانها هتبقى 1600 وكمان سوبر صالون
الكورولا فئة سعرية تانى بعيدة عن العربيات دى
ممكن تحط معاهم السيراتو داخل المقارنة
__________________
I'M BaD UseR
|