[hesham 2010]

المشاركة الأصلية كتبت بواسطة driv3r السلام عليكم ورحمه الله انا هديكم شويه معلومات عن اللى عاوز يوطى عربيته وتكون اسبور من ناحيه السوست وكده اولا نصيحتى ليكم من ناحيه السوست اوعى تركب فى العربيه غير السوست بتاعتها يعنى متفركش لما تيجى علشان توطى العربيه يعنى هتقص من السوست تقول اجيب سوست تخينه علشان تستحمل ولما تركب فيها حد كتير تقول هتحك فى المطبات وكده بلعكس لما تحط سوست تخينه هتلاقى العربيه زى الزفت فى المطبات والحفر هتلاقى العربيه بترزع وخشنه معاك غير انك كمان لما بتيجى تقص من السوست بتاعت العربيه هتلاقيها نشفت شويه بس هتحس باداء افضل على الطريق وبزات على السرعات العاليه علشان كده انا هقولك تعمل ايه من خلال تجاربى مع الموضوع ده واللى بعانى منه لحد الان اولا لما تكون عربيتك اصلا عاليه زى البيجو 504 والفيات 31 .32 العربيات اللى عموما تصميمها عالى عن الارض ودى بقى تسقيطها سهل جدا ومش هيكلفك حاجه يعنى مثلا انت معاك فيات 31 او 32 وعاوز تسقطها لو الجنط بتاع العربيه اصلا 14 انا مش فاكر هوه كام المهم اول حاجه هتعملها هتجيب جنط اقل من اللى عندك درجه اللى هوه الاصلى بتاعها وتجيب اقل ارتفاع كاوتش يركب عليه وطبعا اللى مركب جنط اصلا ممكن يدخله فى جنط اصغر مستعمل او جديد هوه وراحته بقى والتكلفه مش هتكون كتير وبعد ماتركب الجنط الاقل دا هتلاقى العربيه منظرها معفن هتلاقى الفرق بين الكاوتش والرفرف كبير المهم تشوفلك عفشجى محترم دماغه حلوه وتقوله عاوزك تهبطلى العربيه هيقولك مينفعش قوله لا هينفع هيقولك كده هتقص من السوست قوله ماشى هيقولك كده هتبوظ قوله وانا موافق وخلى بالكم يا جماعه فى حكايه القص دى لما يجى يقص منه هوه السوسته زى حلقات يعنى القطع بيبقى من حته معينه يعنى لو اللى بيقص مش صنايعى ممكن يبوظلك السوست ومتقصش حلقتين مع بعض ابدا واحده واحده وبعدين تركب وتمشى بلعربيه علشان السوست تتطبع لو عاوز توطى كمان تشيل حلقه كمان لحد ماانت عاوز بس انصح انهم يكونوا اتنين فقط ولو انت بقى ياسيدى بتخلى العربيه كومبليت بتروح تشترى صدادات بتتحط فى المساعد ممكن تلاقى عند العفشجى او تشتريهم من بره وفيه الاصلى وفيه الصينى واوعى تبصله علشان مش هيقعد معاك حاجه بعد الليله دى بقى اركب العربيه بعد التهبيط وتصغير الجنط والكاوتش ماتروحش تظبط زوايا الا بعده باسبوع كده ولا حاجه واطلع على الطريق اولا هتلاقى ثبات فوق المتوقع ثانيا لما صغرنا الجنط والكاوتش هتلاقى السحب زاد اوى ولو عربيه مثلا كان الاوفر بتاعها 120 ولا حاجه فى العداد هتلاقيها بتعدى معاك وممكن تجيب 160 وابقى ادعيلى ومتنسوش الكلام ده كله عن العربيات العاليه اما بقى فى العربيات الواطيه زى الكرستاله مثلا او البطه دى مش مستاهله تهبيط ولو انت عاوز يبقى الشكل اجمد دى بقى تجيبلها جنط اكبر مثلا 16 او 17 وهتقص من السوست برده علشان الجنط دا هيعلى العرربيه اوى وتقصر وتقصر لغايه ماتظبط معاك ودى بقى لازملها صدادات لانك هنا ممكن تقص نص السوسته علشان علو العربيه يرجع زى الطبيعى او اوطى سنه بس هنا بقى هتلاقى السحب قل جدا والعربيه ماتت معاك فى الجرى الكلام دا يا جماعه من خلال تجاربى مع البطه واللى عاوز اى حاجه واقدر افيده فيها مش هتاخر والسلام عليكم ورحمه الله

شكرا جزييييييلا على ردك الوافى
كان عندى بقى شوية أسئلة كده على الماشى !!
دلوقتى ايه هى مكونات العفشة الاسبور غير انى جبت سوست ناشفة وقصيت لفة او اتنين وجبت مساعدين اسبور ؟؟ وهل لو باقى اجزاء العفشة عندى كويسة يبقى اكتفى بدول ؟
تانى حاجة ياريت تقولنا على الانواع والماركات والاسعار التقريبية لكل حاجة منهم ، واعرف ازاى انهى نوع ومقاس يركب على عربيتى ؟!!
وهل بكده اقدر اركب جنط 15 او 16 من غير مشاكل ؟؟؟
على العموم انا معايا هونداى إكسيل لو تقدر تفيدنى فى الانواع وكده

فى انتظاااااااار ردك يا غالى ومتشكر مرة تانية