[MEMOO_1ST]

المشاركة الأصلية كتبت بواسطة FADY79 صباح الخير انا برده لسة جايب ورسا 99 ولسة بقالى شهر معاها وكمان فى السواقة ناس كتيرة تقولى انها حلوة وناس تانية تقولى بيعها عشان مش حلوة وعندى شى غريب عداد اللى بيبن سخونة العربيو ديما الموشر قبل 100 بشرطة مش عارف هل هى عيبها انها بتخسن زى ما بيقوله ولا عيب منى انا فى ماشى لانى ش بجيب الخامس خالص ديما ماشى اخرى على الرابع بين 80 ول 100 ولا اصل العربية ده عيب فيها اصلا وقطع غيرها اخبارها ايه انا سامع انها غالية هل حقيقى وهل فيه اماكن كويسة اجيب منها بعد كده رخيصة كمان العربية فيها رجة وانا لسة بطلع او على الاول مش عارف اعمل ايه وشى غريب جدا انا لما اشتريت العربية صحبها قلى انها بارو ولها زيت لكن اكتشفت ولانى خربتى فى العربيات هبلة وعبيطة انها على كهرباء ولكن رحت لكرهباى قالى ده مش باور وقالى على سكاترا حاجة ز ى كده مش فاهم شى بجد ارجو تفدونى فى العربية هل حلوة بتاعت سفر عشان انا شغلى بعيد يعنى رايح جاى كل 60 كيلو وهل هاتستحمل معايا عشان انا واخدها بقرض من شغلى .شكرا

بص يا باشا أول حاجة ألف ألف مبروك عليك العربية وربنا يباركلك فيها ويبعد عنك شرها ويديك خيرها.
تاني حاجة العربية الكورسا ال 1000 على حساسات مش زي ال 1200 وانا معايا ال 1000 واول لما جبتها ناس كتير قالولي هات ال 1200 احسن لكن انا بصراحة مشفتش منها حاجة وحشة علشان افكر ابيعها ولو انتا اهتميت بيها هتبقى زي الفل يعني لو انتا لسه بتشتري خليك في ال 1200 لو العربية معاك يبقى الفرق ميستهلش ان انتا تبيع الي معاك وتشتري 1200 .
تالت حاجة حرارة العربية طبعاً كدا مش طبيعية اول حاجة لازم تروح لواحد كهربائي كويس وبعدين تبص على المراوح وتتأكد ان هيا شغالة وتشوف المراوح بتشتغل عند درجة حرارة كام المفروض المراوح تشتغل عند تاني علامة بعد ال 90 لو لقيتها غير كدا يبقى انتا محتاج تغير ثيرمو ستات ( نفس الموقف حصل معايا اول لما اشتريت العربية وغيرتو وبقت زي الفل ) والمفروض ان لو انتا في زحمة والجو حر ومشغل التكييف العداد ميعديش النص ( لو انتا عاوز كهربائي كويس انا اعرف واحد كويس اسمو حسن بدر في الشارع الي جنب توكيل الرواس في وسط البلد ).
رابع حاجة المفروض عند 80 او 90 تجيب الخامس علشان تريح العربية وخصوصاً لو انتا مسافر بيها .
خامس حاجة بالنسبة لقطع الغيار هيا طبعاً قطع غيار الالماني كله اغلى من الياباني او الكوري لكن في النهاية عمر افتراضي اطول.
سادس حاجة بالنسبة للرجة دي خلي ميكانيكي كويس يبصلك عليها.
سابع حاجة العربية فعلاً بور كهربا ودا طبعاً احسن من البور العادي علشان بيقى خفيف وانتا واقف وبيتقل معاك على السرعات العالية.
اخر حاجة العربية زي الفل وتستحمل معاك الشغل انا سافرت بيها العين السخنة والساحل الشمالي والمنوفية كذا مرة والعربية زي الفل والحمد لله لكن طالما شاريها جديد لازم تتأكد من شوية حاجات زي تغيير الزيوت و الفلاتر و الكشف على الفرامل و الكاوتش وهتبقى معاك زي الفل ان شاء الله.
وفي النهاية لو عندك اي استفسار انا تحت امرك في اي حاجة بس ياريت حضرتك تقولنا جبتها بكام وماشية كام الف وحالتها اية علشان الفائدة تعم ان شاء الله.