رد: ما أهمية
هحاول أجاوب على حد معرفتى:-
سعة الموتور بتأثر فى حاجات كتير, زى سرعة العربية وتسارعها, وأستجابة الموتور وأستهلاك البنزين, ألخ.
بس اللى بيفرق أكثر هو تكنولوجيا الموتور وتصميمه, وأقرب مثال هو اللانوس, بتنزل ب 3 مواتير واحد 1500 كامة واحدة بيطلع 85 حصان, والتانى 1500 كامتين بيطلع 105 حصان وواحد كامتين 1600 بيطلع تقريبا 107 حصان (مش فاكر الرقم بالظبط)
ومينفعش عامة تستعمل قطع غيار موتور لموتور تانى, بس ممكن لو فيه تشابه فى قطع الغيار عادى.
وال 100 سى سى مش هتفرق كتير ويمكن ماتفرقش خالص, بس عامة المصرى أحسن علشان قطع غياره موجودة ومنتشرة.
ودلوقتى مصنعى السيارات بيتجهوا لتقليل حجم الموتور مع الحفاظ على القوة, بأستخدام تكنولوجيا وتصميم أحدث أو بأستخدام تربو.
من الأخر ال 100 سى سى مش هيفرقوا فى أداء العربية كتير, يمكن التسارع يبقى أقل من ال 1600 ب0.3 من الثانية مثلا والسرعة القصوى بدل 200 هتبقى 195.
|