رد: صوت دربكة جامد لما ادوس فرامل
بسم الله
يادي ال 128 اللي مدوخه الشعب
عربية جميله جدا بس انا بعتها علشان العيب اللي انتا بتقول عليه
ماعلينا بص يا باشا
كده انتا عندك الركبتين بتوع الميزان مش مظبوطين
هتشتري اتنين جداد
و هتروح عند سمكري هيرفع العربية و يفك ميزان العجل و تخليه يعمل لك دعامة للستارة اللي ماسكة الركبة كويس و يلحمها بذمة و تكون تخانتها عالية لان لو عملها ضعيفة هتقطم و كل شوية هتروح له يلحمهالك
و بعدين يلحم لك الركبتين و تخليه يلحم لك فيهم مسامير جديده محمله 13 او 15 اهم حاجه تكون جديده و صلب
و يركب لك الميزان و كله كده هيبقي تمام
صح الكلام
لا لسه هتروح عند ميكانيكي يسحب لك هوا الفرامل لان اللي بيقطم الركبة هوا ان عجله قدام تمسك قبل عجله او ان العجل الامامي بيمسك فرامل واللي ورا مش بيمسك
و اللي انتا بتسمعه لما تمسك فرامل ده مش احتكاك العجله بالارض و انما هوه احتكاكها بالفبر الموجود تحت الرفر
طيب هوه انتا بكده خلصت لا برضه لسه هتروح لواحد بتاع ظبط زوايا و اتزان تخليه يعاير لك العجل متقدم ولا مظبوط ولا متأخر لان غالبا مع لحام الركبة العجله بتقدم او بتأخر فلازم بتاع الزوايا يظبطهالك
و اي خدمة
العربية ال128 عربية محترمة جدا علي فكرة و السعر ده حلو جدا و لا يعيبها غير موضوع تثبيت العجل الامامي ده و شداد الموتور الموجود تحت الاستبن لانه دوخني برضه كان بيخللي الموتور يتحرك لقدام وورا مع بدء الحركة بالعربية
م - سامح ليله
|