المشاركة الأصلية كتبت بواسطة that's me
انا داخله دماغي اوبل فيكترا 99 او 97 بس في واحد خوفني منها لانه قال ان قطع غيارها غاليه ده غير انها مش موجوده و لو لقيتها هتلاقيها في القاهره و انا من المنصوره فا مش عارف الكلام ده صح ولا غلط
و قالي انها في البنزين حوت بنزين سواء 2000 سي سي او 1600 سي سي يعني قالي لو اقل خروجه بيها و لف كده هعمل 35 جنيه في الخروجه بنزين و انا هصرف عليها من جيبي و انا لسا 19 سنه يعني مش بشتغل علشان اجيبلها بنزين ب 35 جنيه في الخروجه و اللف و انا طول اليوم بلف فا الكلام ده صح ولا غلط و ياربت الاجابه تكون بدون تحيز لاني لو جيبتها و طلعت كده هتبقي حاجه زفت اوي
بالله عليكوا الاجابه بدون تحيز
|
بص ياباشا أنا زيك بالظبط إن العربية كانت داخلة دماغى وكنت حاببها أوى وبردة أنا عندى 19 سنة (18و10 شهور) وبردة مش حمل مصاريف يعنى أنا أما بخرج بالعربية فى وسط البلد الصفيحة بتعمل معايا من 150 الى 180 كيلو حسب طريقة السواقة (مع العلم إن اللى معايا 2000 سى سى مش 1600)
وبرة البلد بتعمل أكتر من كدة لان أقل حاجة عملها معابا 220 كيلو فى الصفيحة والسرعة على 130 ودة بيفرق فى الاستهلاك
بصراحة قطع غيارها غالية بس فى المقابل العمر الافتراضى ليها كبير يعنى تركبها وتنساها
دة لو قارنت أسعار قطع الغيار بالكورى واليابانى لكن لو بالالمانى اللى زيها هتلاقيها مناسبة جدا
وبالنسبة لقطع الغيار موجودة فى كل حتة بس أإكمن أنا من القاهرة فهتكلم على اللى بشوفو
العربية قطع غيارها مالية الدنيا عندنا وفى بور سعيد وفى واحد بيبع قطع الغيار بتاعتها على الزراعى ناحية داخلة طنطا لكن المنصورة فيها حد بيبيع قطع غيارها ولا لأ ما أقدرش أفيدك لانى عمرى فى حياتى ما روحت المنصورة
ولو عايز أى خدمة أنا موجود