رد: عايز اغير شكل التابلوه ......
حكاية العدادات اللى فى النص دى تخنق بجد, وأنا كرهت عربيات مخصوص علشانها.
من وجهة نظرى فيه حلين:-
1- التعديل على التابلوه وده موال طويل جدا هيحتج خلع وقص وصنفرة ودهان, والشكل هيبقى على حسب نضافة الصنايعى والموضوع هيتكلف كتير جدا وهيضيع وقت كتير.
وممكن تغير التابلوه بواحد تانى خالص لو مخنوق منه للدرجة دى, وهتجيب تابلوه أستيراد على نفس المقاس وتركبه عند سروجى نضيف ثم كهربائى.
2- لو موضوع العدادات بس هو اللى خانقك, ممكن تجيب عدادات خارجية وتركبها فى المكان المناسب على التابلوه, عداد سرعة وعداد rpm ودول أنسب وأرخص من الحل الأول وموجودين عند أى محل أكسسوارات, وفنى عدادات أو كهربائى هيركبهم مع العدادات الأصلية, وشكلها هيبقى حلو ورياضى.
|