الM11 بعد 1300كم
السلام عليكم:
انا الحمد لله ربنا اعني واشتريت اسبرانزا m11 وده لاسباب كتير:
1- شكل العربيه الفخم جدا
2-الاوبشن المحترمة جدا
3- العربيةمريحة جدا من الصالون
4-وبمقارنتها يالعربيات اللي في فئتها زي اللانوس والفيرنا والافيوا والاسبرانزا 516 هيا طبعا تكسب جدا
وكنت محتار جدا علشان الكلام بتاع المنتديات لحدما كلمت حد راكبها هنا في المنصورة وشكر ليا في العربيه جدا وقال مش عاملة معاه اي مشاكل قررت اجيبها
لما جبتها بصراحة العربيه هاقول مميزاتها وعيوبها لحددلوقتي بكل امانه :
المميزات :
فخمه جدا- فعلا مريحه جدا في القعده- مريحة جدا في السواقة- ثابنه جدا على الطريق وفي السرعات العليا وفي الملفات الجنط (16نوعه محترم جدا مش نوع اي كلامferli( -سحبها معقول جدا بس اعتقد ان ده ليه علاقة بمهارتك في السواقة كمان- ىتكييف ممتاز-عربية صاجها جامد جدا وتقيل جدا-فيها ميزه السنتر في الابواب والزجاج وخاصية الاطفال-انزار ضد السرقة- فرش الطابلوه جلد مش فبر-بور محترم-مفتاح رموت للشنطةوالابواب - التسجيل جميل وصته عالي جدا وفيه امكانيات جيدةز ده اللي انا فاكره حاليا.....
العيوب :
الفيبر بتاع الدركسيون ايتد يقشر -من اول ما تشوفها عيوب في التقفيل يعني تلاقي فرق اوسع شوي من فرق تلاقيى فيه اجزاء من الفبرالداخلي مش متقفل ومتلاصق تماما مع بعضه وده لاقته في كل العربيات الام 11 زي ماتكون نسخةكوبي-الفتيس بتاعها ناشف شويه فيه صوت في المحرك لما سالت في الصيانه قالوا ليا صوت الرشاشات وده انا مش فاهمه؟؟ بس المكنه ادائها جيدجدا وعلى فكرة حتى لما قلت احط بنزين 95 احتمال الصوت يروح فضل زي ماهو. الضمان هنا في عيسى في المننصورة مش فاهم حاجة في العربية وده غايظني جدا(مع انه استقبال كويس بس ما فيش حد بيديك عقاد نافع المهم
اغرب حاجة حصلت ليا ومش فاهمها النهارده وان ماشي مرايه الصالون وقعت من غير اي مبرر ومعاها حته بسيطة من ازاز العربي اتغاظت جدا واتقفلت جدا مع ان علاجه اعتقد بسيط جدا سليكون
ده خبرتي في خلال شهر مع العربية
نتقابل في تقرير تاني عنها مع ا لوقت
|