[Injection]

معلش ياباشا متزعلش, أنا بزعل جدا لما بشوف حد عامل موضوع ومحدش رد عليه بكلمة حتى, وأنا لسه شايف الموضوع دلوقتى فقلت أقول اللى أعرفه.

الموضوع كله بيتم فى الحرفيين, بتروح عند سروجى كويس يقيس التابلوه, ولو هو فاهم هيقولك اللى ينفع, لو مش فاهم العبء هيبقى عليك فى تحديد التابلوه ذو المقاسات المناسبة.
وفى الحرفيين برضه هتروح لواحد بتاع حاجات أستيراد وتقوله طلبك, بس غالبا التابلوه سعره هيعدى 500 ده أن مقربش من 1000.
هتاخد التابلوه وتروح للسروجى يركبه, وهتجيب كهربائى يوصل العدادات والمفاتيح وهكذا.
ولو مافيش تابلوه بالمقاس ده بتخلى سمكرى أو السروجى يقص فى التابلو الجديد ويعدله علشان حجمه يبقى مناسب, وبعدين بيتصنفر خفيف ويترش عند بوهيجى ويركب.

بس بصراحة موضوع متعب جدا, وممكن تجيب تابلوه الشاريد أستيراد وتركبه لو التابلوه بتاعك حالته وحشة.

بس الكلام اللى فوق يلخص فى كلمة واحدة هى نزولة للحرفيين.

وأنا بعتذر نيابة عن جميع الأعضاء اللى عدوا ومردوش.