فيات 125 ارجو الاهتمام
السؤال ببساطة العربية دى كويسة ولا وحشة ؟
انا معايا فيات 125 ستيشن بولندى 1981 1500cc كامة واحدة المشكلة فى 3 حاجات
1 - انا شبه ماسوقتش عربيات غير عربيتى
2 - بما اننى مستجد فحاجات كتير مبكونش عارف العيب من العربية ولا من الصنايعى عند تكرار العيب
3 - صاحبها القديم كان مهمل جدا وسايب رفايع كتير مش غالية بس بجد حوالى 200 حاجة قعدت اعمل فيهم زى فلتر البنزين طبلة بتعلق والخ غير طبعا العلام مع الصنايعية مش ببلاش يعنى مثلا مغير عفشة فى الكامل وماحستش انى عامل حاجه
النقطة دلوقتى ان العربية فيها بعض ميزات
1- صالونها واسع بدرجة ملحوظة بنركب 6 على الكراسى و عيلين تلاتة ورا مرتاح !!
2- الستيشن شبه تحت الطلب بس بجيب بضاعة المحل عندى فيها وبتشييييل ماشاء الله
بس عيوبها
1- الكرونة مش قوى فممكن خلال سنة تحتاج 1100 كرونة
2- عايزة شغل سمكرة كتير وبالمرة دوكو
3 - التابلوه رايح والفرش مهلهل
فيه حاجة مش عارف عيب فى العربية ولا من العفشة الوحشة بس بتميل جامد فى الملفات على سرعات والمطبات بحس انى راكب حديده
اهم حاجة انا عايز اعرف هل العربية ال125 فيها عيب اساسى (ديل الكلب ماينعدل ) زى مثلا كل الفيليشيا بتسخن او 128 الكبالن بتبوظ على طول غير مش الحاجات اللى تخص الاستعمال زى 132 بتاكل بنزين و اللادا خشنة بس دى طبيعة مش عيبب .... ولا دى حالة العربية ولو اصرف هلاقى
فيه حاجة ميكانيكى قاللى عليها انها على ركب وده عيب انا معرفش ايه الركب وبتاثر فى ايه
من الااااااااااااااخر انا مرتاح للعربية وهى مش مريحانى فلو ربنا كرمنى بقرشين اظبطها احسن ولا اقلبها و اجيب 2105 او 132
|