تجربتي مع سبير كار
السلام عليكم
من زمان و انا عايز اجيب
dc to ac converter
للعربية عشان اقدر اشغل لابتوب و خلافه على الولاعه ودي صورته
... المهم انا مكنتش اعرف اني ممكن الاقيه في مصر وكنت ناوي اشتريه من موقع صيني بيشحن لمصر ... بس قلت أسئل الاول يمكن الاقيه عند سبير كار فلما اتصلت بيهم اخبروني انه موجود فعلا ... فتوجهت للفرع الجديد في القاهرة الجديدة لانه اقرب حاجه ليه ودا انطباعي عن المعاملة :
ما شاء الله المعاملة كانت فوق العادة لدرجة المبالغة (المصريين عالم ميعجبهاش العجب) لكن تخيلوا كنت بلف في المول بتفرج و تلاتة محاوطني كلهم عايز يساعد (صراحة انا مشفتش كده ابدا) .
المهم اشتريت القطعه الي انا عاوزها وكان سعرها 180 جنيه و اتعملي خصم فبقت ب 155 جنيه ودا صراحة شىء يحمد ليهم جدا و يثبت فعلا ان اسعارهم جدا منافسه و غير مبالغ فيها لان كده سعرها اقل من الموقع الصيني بعشرين جنيه مع عدم حساب مصاريف الشحن (حوالي 14 دولار) .
و الحمد لله رب العالمين
التعديل الأخير تم بواسطة AbOnOrA ; 31-07-2010 الساعة 07:44 PM
سبب آخر: تصحيح العنوان من سبار كار الى سبير كار
|