رد: من مظاهر انت تكون فى بلد متحضرة :)
والله ياباشا وماليك على يمين كنت بفكر من أسبوعين لو نروح ناخد سيناء ونعملها دولة مستقلة, بس أسكت بقى أحسن تلاقى المخبرين بيخبطوا علينا.
والتوسع فى الصحراء هيحل مشاكل كتير, زى الزحمة والمواصلات والبيئة السيئة, وهنبنى مدن صناعية ومدارس.
معلش أنا المشاركة اللى فاتت كنت عصبى شوية وكان نفسى أقول البقين دول و كنت ناوى أعملهم موضوع منفصل.
فيه أمل فى تطويع الناس الموجودين بقوة القانون, لأن فعلا من شب على شئ شاب عليه.
وطبعا القانون مالوش قوة, فده بيرجعنا لنقطة البداية وهى أن مفيش أمل.
ورمضان داخل اهه, ولو حضرتك موجود فى القاهرة وبتنزل وقت الصيام والله لهتشوف العجب, ويا سلام لو ركبت أوتوبيس مش هتنزل الشارع تانى, بس متهيألى أسكندرية أحسن.
وياسلام لو ليك مصلحة مع الحكومة فى رمضان, هتكفر عن سيئاتك كلها والموظف عمال بيتنك عليك.
ده مايمنعش أنا البلد فيها حاجات حلوة وناس كويسين, بس مابتقابلش منهم غير 1 أو 2 كل سنة, يساعدك فى زق العربية, يطلع معاك حاجة تقيلة على السلم من غير سؤال, أو يديك مياه للعربية وأنت على أسكندرية الصحراوى وهكذا.
|