السلام عليكم و رحمة الله و بركاته
والله يا شباب أنا عندي مشكلة في العربية مغلباني بقالها 3 سنين و مش لاقيلها حل و أتمني حد يقدر يساعدني
أولاً:- أنا عندي عربية مازدا 626 موديل 1984 مانيوال 2000 سي سي
و من ساعة ما إشتريت العربية و أنا في ريحة دخان بتدخل جوه العربية بتخنق و رحت بيها لميكانيكيه كتيييييير و بتوع شكمانات و رحت لسروجي فقفل صدر العربيه من جوه و عملت إللي يتعمل و إللي ما يتعملش لدرجة إني غيرت الموتور كله و بردو لسه نفس العيب
هي طبعاً الريحه مش بتدخل أول ما أدور العربية و لكن علي 60 أو 70 ك.م/ساعة تبدأ تظهر و تكاد تنعدم عند غلق الزجاج لكنها لا تختفي و الميكانيكي بتاعي قالي إن دي ريحة بنزين ني (غير محترق) لأنه بيحرق العين و حاولنا بشتي الطرق معالجته و لكن بدون جدوي
فهل هناك أحد من أهل الخبرة يقدر يساعدني عشان يويمين الحر إللي الواحد فيهم دول مش بعرف أفتح الشباك و العربية غير مكيفة فاتسلقت بما فيه الكفايه