28-07-2010, 04:45 PM
|
 |
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: من مظاهر انت تكون فى بلد متحضرة :)
ياه, حضرتك أختصرت مصر كلها وعبرت عنها فى أنسب كلمة وهى "الزبالة"
زبالة فى الشارع وزبالة فى المصالح الحكومية وشتايم زبالة وتصرفات زبالة, ألخ.
نفسى الناس تحس شوية, مش تقوله على الصح يقولك مالناس كلها بتعمل كذا, التغيير للأحسن بيبتدى بواحد, والتغيير للأسوء بيبتدى بواحد برضه.
وياريت نبطل نعمل من نفسنا ملايكة ونطلع الغلط فى اللى حوالينا ونقعد نشتم فى البلد, طب مأنتا جزء من البلد وأنت وغيرك وتصرفاتكوا هى اللى بتؤدى لحالة البلد "الوحشة" دى.
اللى عايز يغير البلد لازم يبدأ بنفسه والناس هتقلده, ده أنت لو نزلت رميت شنطة زبالة على الرصيف تعالى بعد أسبوع هتلاقيه مقلب قمامة.
وتانى حاجة أبوس أديكو علشان هتشل خلاص, لما تركب مع سواق تاكسى ويقعد يشتم فى البلد والستات والناس والريس (ربنا يخليهولنا) وهو عمال يكسر على الناس ويعاكس فى البنات والرجالة كمان ويتكلم عن نفسه ولا كأنه نازل من السماء علشان يوصلك, أبقى قله البلد زبالة وهتفضل زبالة علشان فيها أمثالك.
شكرا ياشريف باشا على الموضوع, أنا كنت ناوى أكتب موضوع زيه بس صفحتين تلاتة, وأنت سبقتنى 
وأنا أسف لو كان ردى خارج عن حدود الأدب حبتين بس البلد دى مش معمولة للبنى أدمين.
|