طبعا فاكرين صاحب الموضوع ده الاستاذ محمد ( Macdoff ) اللي اتكلم علي موضوع غطاء صالون السيارة
وده كان الموضوع بتاعه في اللينك ده
المهم حالفني الحظ وقابلته لان الموضوع ده كان شغلني اوي لاهميته المهم قابلته النهارده عند مقر عملة في محطة مصر بقسم الترجمة شاب زوق جدا واخلاق وياريت اشوف ناس كتير كدا زيه بتفكر لاقدام المهم موضوع الغطا ده كان مهم جدا بالنسبالي علشان عربيتي اغلبية اليوم بتكون مركونه في الشمس فطبعا الشمس بتاثر علي الفرش والتابلوه والعربية بالكامل المهم وراني الغطاء نفس الشكل اللي موجود في الصوره ديه
المهم الغطا بيدي العربية شكل جميل جدا وفعلا صعب سرقته لانه بيتقفل عليه باب العربية وخفيف وجميل جدا وحجمه صغير
يا جماعه الشاب ده معندهوش عربية وعمل الموضوع ده كمشروع ولكن مفيش حد تبني الفكرة ديه منه وبعدين انا مش شايف ان الغطا سعره غالي بالعكس ان شايف ان سعره معقول جدا وميفرقش كتير عن الغطا الكبير بتاعنا انا خدته منه علي 30 جنيه
وخليته جربه علي العربية عندي وطلع شكله تحفه عليها
المهم يا جماعه الشاب ده معندهوش محل او معرض يعرض من خلاله المنتج ده فاللي عايز الغطا ده ممكن يكلمه وهو شاب متعاون جدا ولو الاستاذ امير ممكن يتبني الفكرة ديه عندهم في سبير كار يبقي ربنا يكرمه لان فعلا ده عمل خير في واحد زميلنا
وده رقم تليفونه للي يحب يستفسر منه علي اي حاجه وانا ان شاء الله بكره هصور عربيتي بالغطا ده وابعتهولكو في الموضوع ده وتقبلوا تحياتي واسف علي الاطاله
0107050395
&
01521223710