[sh_masry]

فى رأيي الشخصى ان اسعار السيارات لن تقل اطلاقا بغض النظر عن السوق العالمى او اى سوق فى الدنيا ليه ؟؟
لأن المسؤلين مش هايسيبوا الموضوع كده سداح مداح و لو العربيه رخصت هايطلعوا بدل نسبه نزول السعر ده ميت قانون و ميت اجراء و ميت ضريبه يعلو بيها من تمن العربيه و يخلوها غاليه برده ...... برده ليه ؟؟
علشان احنا ماعندناش طرق تستوعب كل الكم ده من العربيات و لا خدمات فعليه للطرق ..... يبقى ازاى يخلوا كل اللى ماعندوش عربيه يقدر يشترى عربيه و اللى عنده واحده ساعتها يقدر يجيب التانيه ......طب كل ده هايمشى فين ؟؟؟؟ مع العلم على ان الزحمه دى كلها من 4 مليون عربيه فقط .... و احنا شعب تعدى ال 80 مليون يعنى لو العربيات بقت فى متناول الجميع هانمشى ازاى و فين ؟؟؟؟؟؟؟؟
و بالتالى ان لو العربيات سعرها نزل يبقى هايعلوا الضريبه اضعاف و اضعاف و يفرضوا ضرايب تانيه و تأمينات بلا عدد و يمكن زياده اسعار البنزين بأضعاف مما هو دلوقتى علشان يعلى سعر العربيه و زى ما قريت لواحد بيقول انهم هايبيعوا العربيه و مش هايدولك نمر تمشى بيها و فى الوقت ده يا هتكهن عربيتك و ترميها و تحل من عليها النمر يا هاتروح تشترى عربيه مستعمله بالشئ الفلانى علشان تاخد نمرتها .....زى بالظبط اللى عاملينه فى المراكب السياحيه النيليه علشان تعمل مركب نيلى سياحى لازم تشترى مركب نيلى قديم و متكهن بملايين علشان تاخد رخصها و ترخص بيها المركب الجديد !!!!!!