رد: ارجو المساعدة
يا باشا من غير تريقة بس موضوعك بالظبط عامل زى النكته بتاعة اللى بيقوف تاكسى يقولة تودينى فين وتاخد كام فقالة انزل هنا وات اللى فى جيبك
اولاً عنوان الموضوعات زى ارجو المساعدة وسؤال لوسمحتو الى اخرة ديه مش صح خالص لانها مبتعرفش اللى بيتصفح الموضوع فيه ايه ولازم تخش علشان تعرف صاحب الموضوع طالب ايه غير لما تبقى كاتب ارجو المساعدة فى تعديل فولكس بيتلز كان هيبقى اوضح وهيجذب ناس اكتر
تانى حاجة انت بتسأل على تكاليف تعديلات محناش عرفينها اصلا ولا انت محددها يعنى عايز تعمل فى العربيه حاجة وخلاص ايه هيا مش عارف واحنا مطلوب نقولك تعمل ايه وفين وبكام كمان ده فيه مليون حاجة ممكن تتعمل فى البيتلز او اى عربيه عامة وتختلف حسب مزاجك انت وميزانيتك
متزعلش منى يا مصطفى باشا اذا كان كلامى حاد شوية بس انا كمان بتدايق لما عضو يخش المنتدى وميلاقيش رد لاستفسارة او موضوعة بس انت كمان لازم تسأل السؤال المناسب علشان تلاقى الرد المناسب
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|