[alymonir]

موضوع شيق كالعادة يا أستاذ وائل لدرجة إنه دفعني للكتابة على الرغم من حالة الزهق اللي قولتلكم عليها قبل كدة
طبعا الأعضاء ماشاء الله أفادوا و أجادوا في هذا الموضوع خصوصا الحاج حازم ( يارب تحج إن شاء الله ) و الأستاذ فادي
و لكن أحب أضيف حاجة
الشعور الكاذب بناء على الاشعات
يعني إيه؟
يعني مثلا فيه ناس راكبين الفرنا من زمان و شايفين إن العربية ثباتها كويس بالنسبة للمطلوب منها و لكن لما قرأت أو سمعت من ناس كتير إن الفرنا ثباتها زي الزفت بدأت تتوهم ( يتهيألها) إن العربية فعلا وحشة و بدأ يجرب ( غرز و منحنيات و خلافه ) و طبعا صاحبتنا المسكينة المظلومة أكدت له هذه المعلومة
اللي عايز أقوله إن الثبات زيه زي أي مواصفة للعربية له إعتماد على السعر و بلد المنشأ و تكنولوجيا السيارة خصوصا أنظمة التعليق
يعني تجربة شخصية ( دة الجزء المطلوب يا أستاذ وائل مش كدة ؟ ) أنا ركبت الدوجان عربية طوبة على الأرض في الطوالي و لكن ساعة الغرز ربك ستار
كان معايا برضه عربية فيات بونتو ثباتها كان زي الجيلي يعن لو خدت مطب في منحنى العجلتين الخلفيتين يروحوا و ييجوا حوالي 20 سم
بعد ما غيرت المساعدين اللي ورا قلت الموضوع حايفرق جامد , فرق شوية بس مش كتير برضه
ممكن تقولوا إن الهاتش باك ثباتها مش قد كدة
أنا معايا تويوتا ايكو هاتش باك و ثباتها ماشاء الله روعة على قد إمكانياتها
أشيع أيضا على الياريس إنها ورقة في مهب الريح
أنا ركبتها مع صاحبي كتير جدا و ماشاء الله ملفات حادة على 140 و الثبات نقدر نقول متوسط إلى جيد ( مش زي الزفت ) بس هي بتخف شوية إذا كان فيه هواء معاكس من الأمام
و ركبت أيض الهوندا سيفيك ثبات فعلا رهييييب
الموضوع كبيييييييييييييير جدا و شكرا يا أستاذ وائل على فتحه و أتمنى أقصى استفادة من هذا الموضوع