** عايز رأي عقلاني **
صباح الخير على الجميع ، طبعا عارفين الحيرة اللي أنا فيها من وقت طويل ، وقد زادت هذه الحيرة بعد نزول المرسيدس الجديدة السي 180 ال 1600 سي سي ، المهم رحت امبارح اتفرج عليها طبعا مش عايزه كلام عربية من الآخر بس ناقصها شوية حاجات بسيطة قوي زي تعدد اختيارات ألوان الفرش وزراير الطارة (أربعة فقط) ، المهم مش هي ديه القصة ، القصة إن سعرها 130 ألف ريال ، طيب خلصت من مرسيدس وطلعت على البي إم ( فشخور قوي أصلي ) بسأل على ال 116 وفوجئت إنها مابتنزلش أساسا طيب ليه يا جماعه ؟ قالك مانطلبهاش للخليج قولت طيب أعمل أوردر مخصوص قالي ما ينفعش علشان مش عتبقى مواصفات خليج ، قولتله اللي هي إيه قالي الدهان بيختلف والتكييف بيختلف وحاجات تانية مش فاكرلاها الصراحة ، المهم قالي خد 118 بصراحة عربية تحفه بس المشكلة في الجمرك طبعا .
طيب خلصت من البي إم وطلعت على السكودا وعرفت إن المركب هتوصل بالشكل الجديد يوم 2/24 وهما طالبين 150 عربية وتصدقوا محجوز منهم 75 عربية والراجل وراني وصولات الحجز ؟؟؟؟؟؟؟؟؟؟؟؟؟
طبعا كل اللي حاجزين مصريين لأن سعر العربية كويس وهو 85 ألف للإليجانس الكاملة فرش بيج وفتحة وخلافه بس غباااااااااااااااااء قوي من غير بلوتوث ؟؟؟؟؟؟؟؟؟؟؟؟؟؟
بعد هذه المقدمة الموضوع وما فيه إني سامع كلام كثير عن تخفيض الجمارك على السيارات الأوروبية فهل فعلا الكلام ده صحيح ولا كلالالالالالام كالعادة ؟
طيب هل فيه فرق بين جمرك المرسيدس مثلا والبي إم والأوكتافيا مع إن الثلاثة 1600 ؟؟؟ لو فرضنا إن البي إم ال 116 نزلت هنا ؟؟؟
المشكلة إن فيه حاجة غريبة وهي إن أسعار العربيات في العالم كله بتنزل ما عدا هنا يعني أنا متابع أسعار مصر والمقاطعة وغيره وفي السعودية كمان الدنيا خربانة والكويت إلا هنا مش عارف ليه ؟ أنا خايف الأسعار تعلى ؟؟؟؟؟؟؟؟؟؟؟؟
كل اللي عايزه تأكيد على موضوع الجمرك ده وهل فيه فرق بين عربية وعربية حتى لو اتفقوا في السعة اللترية ولا لأ ؟؟؟؟؟؟؟؟؟؟؟؟؟؟
|